Գիտնականները լրացուցիչ վայրկյան կավելացնեն 2016 թվականին
Երկրի պտույտի միջազգային ծառայության (IERS) մասնագետները ըստ UTC ժամանակի լրացուցիչ վայրկյան կավելացնեն 2016 թվականի դեկտեմբերի 31-ի վերջին րոպեին:
Այդ մասին, ինչպես տեղեկացնում Է «Արմենպրես»-ը, ծառայությունը հայտնել Է իր պաշտոնական կայքում զետեղված տեղեկագրում: Այսպես կոչված կոորդինացիոն վայրկյանն ավելացվում Է UTC ժամանակի (համաշխարհային կոորդինացված ժամանակ), որը որպես ստանդարտ Է ընդունված երկրի ժամային գոտիների ժամանակի համար, եւ UT1 (ունիվերսալ ժամանակ) սանդղակի համաձայնեցման համար: Երկրագնդի պտույտի արագության դանդաղելու պատճառով ընդունված ընդհանուր ստանդարտով օրվա տեւողության եւ արեգակնային օրվա իրական տեւողության տարբերությունը, որն ընկած Է ունիվերսալ ժամանակի հաշվման հիմքում, աճում Է:
«Դրական կոորդինացիոն վայրկյանը կավելացվի 2016 թվականի դեկտեմբերի վերջին»,- ասված Է IERS-ի հրապարակման մեջ: Ինչպես նշում Է IERS-ը, կոորդինացիոն վայրկյանները կարող են ավելացվել դեկտեմբերի կամ հունիսի վերջին: Ծառայությունը որոշում Է ընդունում յուրաքանչյուր կես տարին մեկ եւ դրա վերաբերյալ տեղեկատվություն հրապարակում իր կայքում, հաղորդել Է ՌԻԱ Նովոստին:
armenpress.am
