Թուրքիայի տարածքից հրթիռակոծվել է Քեսաբը

Չորեքշաբթի օրը սիրիական ժամանակով ժամը 15:15-ին «Գրադ» տեսակի հրթիռներ են ընկել հիմնականում հայերով բնակեցված սիրիական Քեսաբ քաղաքի վրա։

Այդ մասին հայտնել է «Գանձասար» թերթի խմբագիր Զարմիգ Բողիկյանը, հաղորդում է asbarez.com-ը:

Բողիկյանի խոսքով՝ հրթիռների հարվածներն իրականացվել են Թուրքիայի տարածքից:

Հրթիռներից մեկն ընկել է Քեսաբի մզկիթից 50 մետր հեռավորության վրա, իսկ մյուսը՝ քաղաքում գտնվող Հայ ավետարանական Սուրբ Երրորդություն եկեղեցու մոտակայքում գտնվող փողոցի վրա։

Հրթիռային հարվածն ավերածություններ է առաջացրել։ Հաղորդվում է 1 վիրավորի մասին: Զոհերի մասին տեղեկություններ չկան: