Մեծ Բրիտանիայի բանակի համար ստեղծվում է լազերային համակարգ

Մեծ Բրիտանիայի պաշտպանության նախարարությունը կնքել է 37 միլիոն դոլարի պայմանագիր լազերային զենքի նախատիպի ստեղծման համար, գրում է BBC-ի ռուսական ծառայությունը:

Այդ նախատիպի մշակման նպատակը հասկանալն է, թե արդյոք կարող է «ուղղորդված էներգիայի» տեխնոլոգիան գերակայություն տալ զինված ուժերին: Համակարգի ցուցադրությունը նախատեսվում է 2019 թվականին:

Պայմանագիրը կնքվել է անմիջապես մի քանի եվրոպական պաշտպանության ընկերությունների հետ, որոնք աշխատելու են նոր տեխնոլոգիայի վրա համատեղ:

Նախատիպը գնահատվելու է այն բանի հիման վրա, թե ինչքան ճշգրիտ է այն կարողանալու ընտրել և հետևել թիրախներին տարբեր հեռավորությունների վրա և տարբեր եղանակային պայմաններում՝ ցամաքում և ջրում:

Նշվում է, որ այդ տեխնոլոգիան կարող է ավելի արդյունավետ լինել նոր սպառնալիքների դեմ պայքարելու համար, որոնց կարող են բախվել Մեծ Բրիտանիայի զինված ուժերը:

Tert.am