Ճապոնիայում ԱԷԿ-ում ռադիոակտիվ ջրերի արտահոսք է տեղի ունեցել

Ճապոնիայի «Տակահամա» ԱԷԿ-ում (Ֆուկուի պրեֆեկտուրա) ռադիոակտիվ ջրերի արտահոսք է տեղի ունեցել։ Ինչպես հաղորդում է ՏԱՍՍ-ը, այս մասին հայտնել է Kansai Electric Power (KEPCO) օպերատոր ընկերությունը։

Ռեակտորում ջերմաստիճանի եւ ճնշման բարձրացման թեստային աշխատանքներ էին նախատեսված, սակայն դրանք հետաձգվել են։ Այսպիսով, KEPCO-ն կարող է հետ մնալ գրաֆիկից եւ չհասցնել սահմանված ժամկետում (մինչեւ փետրվարի վերջը) նախապատարստել էներգաբլոկը վերագործարկման։

Միջադեպի բոլոր հետեւանքները վերացվել են, ռադիոակտիվ ջրի արտախոսքը կազմել է ընդամենը 34 լիտր։ Ընդ որում, այդ ջրում ռադիոակտիվ նյութերի պարունակությունը նորմայից մի քանի անգամ ցածր է եղել։

Միջադեպի հետ կապված ընկերությունը հայտարարել է, որ այն ոչ մի ազդեցություն չի ունեցել շրջակա միջավայրի վրա։