Թուրքիան և Բրիտանիան ստորագրել են կործանիչների գնման համաձայնագիր
Բրիտանիայի վարչապետ Թերեզա Մեյի և Թուրքիայի նախագահ Ռեջեբ Թայիբ Էրդողանի Անկարայում կայացած հանդիպման ժամանակ ստորագրվել է 100 մլն. ֆունդ ստերլինգի կործանիչների գնման մասին համաձայնագիր:
«Press tv» հեռուստաընկերության հաղորդման համաձայն, Էրդողանը հույս է հայտնել, որ Բրիտանիան ՝ որպես կարևոր ռազմական գործընկեր, մշտապես լինելու է Թուրքիայի կողքին:
Ըստ աղբյուրի, Թերեզա Մեյը հույս է հայտնել, որ համաձայնագրի ստորագրումը խթանելու է Լոնդոն-Անկարա կայուն հարաբերությունների ամրապնդումը և լինելու է քայլ, որի արդյունքում Բրիտանիան դառնալու է Թուրքիայի պաշտպանական գլխավոր միջոցներն ապահովող երկիրը:
«Սա սկիզբն է Թուրքիայի հետ առևտրական խորը հարաբերություններ հաստատելու համար, որը նպաստելու է նաև տասնամյակներ շարունակ երկու երկրում աշխատանքային անվտանգությանը».-ասել է Բրիտանիայի վարչապետը:
