Ղազախստանում ձերբակալվել է ահաբեկչություն նախապատրաստող 15 կասկածյալ
Ղազախստանի Ազգային անվտանգության ծառայությունը հատուկ գործողություններ է իրականացրել՝ չեզոքացնելով արմատական 2 խմբավորումների: Ինչպես տեղեկացնում է ՏԱՍՍ-ը, այդ մասին հայտնել են Ղազախստանի ԱԱԾ մամլո ծառայությունից:
Հատուկ ջոկատայինները ոստիկանական ուժերի հետ համատեղ Ալմա-Աթա քաղաքում եւ շրջակա բնակավայրերում հատուկ գործողությունների շարք է անցկացրել:
«Չեզոքացվել է արմատական 2 խմբավորում, նաեւ կրոնական-ծայրահեղական գաղափարախոսությանը հարող 6 անձ: Նրանք մեղադրվում են ահաբեկչության քարոզչության, ահաբեկչական գործողությունների նախապատրաստման, կրոնական թշնամության հրահրման եւ զենք-զինամթերք պահելու մեջ: Ձերբակալվել է 15 մարդ»,-նշվում է ծառայության տարածած հաղորդագրության մեջ:
Կասկածյալների բնակության վայրերի զննությամբ հայտնաբերվել են նռնակներ, միջազգային ահաբեկչական կազմակերպությունների տարբերանշաններ, կրոնական բովանդակությամբ գրականություն: Քննչական գործողությունները շարունակվում են:
galatv.am//
