Թբիլիսին, Բաքուն և Անկարան ռազմական համագործակցության մասին պայմանագիր են մշակում
Վրաստանի, Ադրբեջանի և Թուրքիայի եռակողմ համագործակցության հետ կապված հարցերն Բրյուսելում քննարկվել են Վրաստանի և Թուրքիայի պաշտպանական գերատեսչությունների ղեկավարների կողմից: Այս մասին հաղորդում է «Грузия-Online»-ը՝ Վրաստանի պաշտպանության նախարարությանը հղելով:
Լևան Իզորիան և Ֆիքրի Ըշըքը մասնակցում են ՆԱՏՕ երկրների պաշտպանության նախարարների նիստին, որի շրջանակներում էլ կայացել է Վրաստան-ՆԱՏՕ հանձնաժողովի նիստը:
Ինչպես հաղորդում է վրացական պաշտպանական գերատեսչության մամուլի ծառայությունը, հանդիպմանը կողմերը նշեցին, որ «Վրաստանի, Ադրբեջանի և Թուրքիայի եռակողմ ձևաչափով համագործակցությունը նպաստում է տարածաշրջանում անվտանգության ամրապնդմանը»:
«Նախարարները քննարկել են Թբիլիսիում մայիսին կայանալիք հանդիպումը Վրաստանի, Ադրբեջանի և Թուրքիայի ղեկավարների միջև, որի ժամանակ նախատեսվում է եռակողմ համագործակցության մասին հուշագիր մշակել», - ասվում է հաղորդագրությունում:
Մամուլի ծառայության տեղեկատվության համաձայն, կողմերը անդրադարձել են երեք երկրների գլխավոր շտաբի պետերի առաջիկա հանդիպմանը, որը կկայանա Թբիլիսիում այս տարվա ապրիլին:
zham.am/
