Մամուլի տեսություն 10-03-2017
Մամուլը շարունակում է ուշադրության կենտրոնում պահել ԱՄՆ-ՌԴ հարաբերությունները, Ֆրանսիայում սպասվող նախագահական ընտրություններին նախորդող զարգացումները : Մամուլն անդրադարձել էր նաև Իրանում կրոնական փոքրամասնությունների իրավունքներին և այլ հարցերի:
«Շարղ»
300 ֆրանսական ընկերությունների ներկայացուցիչներ Իրանում են
Միջազգային ներդրումներում Ֆրանսիայի դեսպան և «Բիզնես ֆրանս» ընկերության գործադիր տնօրենը մտերմիկ զրույց են ունեցել իրանցի լրագրողների հետ: Հանդիպմանը ֆրանսացի առևտրականները ցանկություն հայտնեցին Իրանի հետ համագործակցելու համար: Ֆրանսիայի դեսպանի խոսքերով, առայսօր նա 300 ֆրանասական ընկերությունների ներկայացուցիչների է ուղեկցել Իրան այցելության ժամանակ, ևս երկուհազար ընկերություններ ցանկություն են հայտնել Իրանում առևտրա-տնտեսական հարաբերություններ հաստատելու կապակցությամբ:
Հակաիրանական շրջափակումները խախտելու պաճռաբանությամբ ZTE-ն 900 միլիոն դոլար տուգանվել է
Չինական ZTE ընկերությունը ԱՄՆ-ի կողմից տուգանվել է Իրանին և Հյուսիսային Կորեային իր արտադրանքները վաճառելու պատճառաբանությամբ:
Չինական հաղորադկցական ընկերությունը համաձայնել է, որ եթե ամերիկացիները հետամուտ չլինեն Իրանի և Հյուսիսային Կորեայի հետ համագործակցելու պատճառով շրջափակումների հարցում օրինախախտության հարցին, և չդադարեցնեն ընկերության արտադրական հոսքագիծը, ընկերությունը վճարելու է 892 միլիոն դոլարի տուգանքը:
«Ռեսալաթ»
Մակրոնի ոսկե օրերը
Ֆրանսիայի նախագահական ընտրությունների անկախ թեկնածու ՝ Էմանուել Մակրոնին հաջողվել է առաջ անցնել մրցակիցներից: Դա այն դեպքում, երբ ավելի վաղ նման զարգացում չէր սպասվում: Եվրոպական աղբյուրնն արդեն նրա մասին խոսում են որպես Ֆրանսիայի հաջորդ նախագահի: Մակրոնն իր ողջ կարողությունը կենտրոնացրել է առաջին փուլում հաղթելու վրա: Մակրոնը որոշ չափով կարգավորել է Լեպենի հետ իր տարաձայնությունները:
Ապրիլի 23-ին Ֆրանսիայում սապսվող ընտրություններում Մակրոնն ունի հաղթելու 25.5 տոկոսի շանս: Լեպենը շահելու է ձայների 26 տոկոսը : մակերոնի հաջողությանը նպաստել է Ֆիոնի կոռուպիոն հարցի հետ կապված սկանդալը : Հարցումների արդյունքերը պարզել են, որ երկրորդ փուլում Լեպենը շահելու է ձայների միայն 40 տոկոս, անկախ այն բանից, թե նրա կրցակիցը կլինի Մակրոնը, թե՞ Ֆիոնը, ով հավաքելու է ձայների ավելի քան 60 տոկոսը: Ֆրանսիայի բնակչության 58 տոկոսի համոզմամբ, Լեպենը համարվում է սպառնալիք ժողովրդավարության համար:
«Իրան»
Իրանի անվտանգության նախարար .«Կրոնական փոքրամասնությունների անդորրը մեզ համար կրոնական արժեք է համարվում»
Իրանի անվտանգության նախարարն ասել է .«Կրոնական փոքրամասնությունների անդորրը մեզ համար կրոնական արժեք է համարվում»: Նա նաև հայտարարել է, որ բոլոր մարդկանց հարգելը համարվում է ԻԻՀ-ի պարտականությունը: «ԻՌՆԱ» գործակալության հաղորդման համաձայն, Սեյյեդ Մահմուդ Ալավին հյուրընկալել է կրոնական փոքրամասնությունների հոգևորականներին: Անդրադառնալով այն փաստին, որ հայերը և ասորիներն իսլամական խորհրդարանում ունեն պատգամավորներ, ավելացրել է .-«Այսպիսով փոքրամասնություններն իրենց առավել ապահով են զգում»:
Իրանի ԱԳ նախարարը հանդիպել է Կատարի էմիրին
Չնայած Թեհրանի հետ հարաբերություններ հաստատելու անհավանականության մասին արաբական երկրների պետայրերի հայտարարություններին, ԻԻՀ-ը շարունակում է հետևել տարածաշրջանում գործակցության քաղաքականության առանցքին: Այդ ուղղությամբ է կայացել Իրանի ԱԳ նախարարի այցը Կատար: Դուհայում նա հանդիպում-զրույց է ունենալու պարսիցծոցյան համագործակցության խորհրդի անդամ երկրների պետայրերի հետ:
Կատարի Էմիրի հետ Զարիֆի հանդիպմանը քննարկվել են երկկողմ հարաբերությունները և տարածաշրջանային զարգացումները: Հանդիպմանը կողմերը կարևորել են երկու երկրի միջև առևտրա-տնտեսական հարաբերությունների զարգացման անհրաժեշտությունը:
«Համշահրի»
Թրամփը և ԱՄՆ-ի հակառուսական պատժամիջոցները
Հակառակ Ռուսաստանի հետ հարաբերությունները վերականգնելու վերաբերյալ տված խոստումներին, Թրամփն արդեն արել է հակառուսական քայլը ՝ Պենտագոնին արգելելով Մոսկվայի հետ սպառազինական գործարք կնքել: Կոնգրեսն ընդունել է 2017 թվականին այդ երկրի հետ ռազմական համագործակցության մասին օրենքը, ըստ որի պաշտպանության նախարարությանը թույլ չի տրվում Ռուսաստանի հետ սպառազինական պայմանագրեր ստորագրել :
Վերջին որոշումների արդյունքում, Ռուսաստանում ԱՄՆ դեսպան է նշանակվել Յութայի նախկին նահանգապետ ՝ Ջոն Հանցմենը: Նա ամերիկացի միլիարդատերի որդի հանրապետական դիվանագետ է և 2009-2011 թթ.-ին ՝ Օբամայի նախագահության օրոք եղել է Չինաստանում ԱՄՆ դեսպանը, սակայն 2012 թվականին հրաժարական ներկայացրեց ՝ նախագահական ընտրություններում թեկնածությունը դնելու համար:
armedia.am
Ֆրանսիան կարևորում է Հայաստանի անդամակցությունը ԵԱՏՄ-ին
Աննա Կարապետյան
ՀՀ նախագահ Սերժ Սարգսյանի Փարիզ կատարած այցի ընթացքում քննարկվել է հարցերի լայն շրջանակ, սակայն ամենակարևոր հարցերից մեկը թերևս ներդրումների գրավումն էր և տնտեսական նոր պայմանավորվածությունների ձեռքբերումը: Այդ համատեքստում մի քանի ուշագրավ հայտարարություններ արվեցին՝ վերաբերող ՀՀ անդամակցությանը ԵԱՏՄ-ին և ԵՄ հետ համագործակցությանը:
Մասնավորապես, այցի ընթացքում հնչած ելույթները հստակ ցույց տվեցին, որ ֆրանսիացի գործընկերները խորապես գիտակցում են Հայաստանի կողմից որդեգրված «և-և»-ի քաղաքականության արդյունավետությունն ու շահեկանությունը, այդ թվում՝ Եվրամիությանը և, մասնավորապես, Ֆրանսիայի համար: Ֆրանսուա Օլանդն իր խոսքում հատկապես կարևորել է Հայաստանի լավ տնտեսական հարաբերությունները Ռուսաստանի՝ ԵԱՏՄ-ի և Իրանի հետ՝ ընդգծելու համար Հայաստանի տնտեսական գրավչությունը ներդրումների համար: Մյուս կողմից նա նշել է, որ ԵԱՏՄ-ին Հայաստանի անդամակցելու որոշումից հետո Ֆրանսիան՝ որպես բարեկամ երկիր, մեծ ջանք է գործադրել թույլ չտալու համար, որ ՀՀ-ԵՄ հարաբերությունները հարցականի տակ դրվեն:
Մյուս կողմից ՀՀ նախագահն իր հերթին վերահաստատել է Հայաստանի պատրաստակամությունը՝ նպաստ բերել ԵԱՏՄ-ԵՄ համագործակցությունը:
Այս որակի երկխոսությունը վկայում է այն մասին, որ եվրոպական կողմն օբյեկտիվորեն գնահատում է առկա իրավիճակն ու գնահատում Հայաստանի որդեգրած «և-և»-ի քաղաքականության ոչ միայն ներքին, այլև տարածաշրջանային նշանակությունը և փորձում դրանից օգուտներ քաղել:
Այդ գիտակցումը միանգամից չի ձևավորել: Դրանում մեծ դեր են խաղացել ԵՄ առանձին երկրները և առաջին հերթին՝ Ֆրանսիան, որը Եվրամիության ներքո ջանքեր է գործադրել հայաստանյան գործընկերներին աջակցելու և այդ գիտակցումը հասունացնելու համար:
Իսկ սա ևս մեկ անգամ ցույց է տալիս, որ ՀՀ-ԵՄ հարաբերությունների հաջողությունն ու առաջընթացը հավասարապես կախված են ինչպես համաեվրոպական գլխավոր գերատեսչչությունների հետ երկխոսության մակարդակից ու համագործակցության որակից, այնպես էլ ԵՄ առանձին երկրների հետ հարաբերություններից: Ֆրանսիան այդ առումով հատուկ կարևորության բարեկամ երկիր է, որը մշտապես աջակցություն է ցուցաբերում Հայաստանին բոլոր միջազգային կազմակերպություններում:
