Մեկնարկել է Աստանայի բանակցությունների խորհրդակցական նիստերի չորրորդ շրջանը, առանց ընդդիմության ներկայության
«ԻՌՆԱ» լրատվական գործակալության հաղորդման համաձայն, երեքշաբթի օրը մեկնարկել է Սիրիայի ճգնաժամի կարգավորման թեմայով Աստանայի բանակցությունների խորհրդակցական նիստերի չորրորդ շրջանը, առանց ընդդիմության ներկայության:
Մոսկվայում լույս տեսնող «Իզվեստիա» օրաթերթը գրել է, որ Սիրիայի կառավարության ընդդիմադիր զինված խմբավորումներն այն պատրվակով, որ Սիրիայի բանակը բազմիցս խախտել է հրադադարի ռեժիմը, այս անգամ խուսափել են մասնակցել Աստանայի նիստին:
Պատասխանելով զինված խմբավորումների այդ հայտարարությանը, Սիրիայի կառավարությունը հայտարարել է, որ Դամասկոսը պատրաստ է խաղաղության բանակցությունները շարունակել միայն այն խմբավորումների հետ, որոնք ցանկանում են մասնակցել այս բանակցություններին:
Ղազախստանի արտգործնախարարությունը տեղեկացրել է Ռուսաստանի, Իրանի և Թուրքիայի պատվիրակությունների Աստանա ժամանման մասին և հայտարարել է, որ Սիրիայի հարավային հատվածի ընդդիմության պատվիրակությունը նույնպես այսօր ժամանելու է Աստանա բանակցությունների չորրորդ նստաշրջանին մասնակցելու նպատակով:
