Բրիտանիայի Լեյբորիստական կուսակցության առաջնորդն զգուշացրել է կառավարությանը մուսուլմաններին թիրախավորելու կապակցությամբ
Հայտարարելով,որ ծայրահեղականության դեմ պայքարելու կառավարության ռազմավարությունը այդ երկրում մուսուլման համայնքին է թիրախ դարձրել,Բրիտանիայի Լեյբորիստական կուսակցության առաջնորդ՝ Ջերեմի Քորբինը կառավարությանը կոչ է արել փոխել այդ ռազմավարությունը:
Բրիտանական The Independent թերթի փոխանցմամբ՝ Բրիտանիայի «Լեյբորիստական կուսակցության» առաջնորդն ընդգծել է.«Բրիտանիայում ծայրահեղականությանը դիմակայելու ծրագրի իրագործումը մի տեսակ կասկած է առաջացրել մուսուլման համայնքի հանդեպ և փաստորեն այդ ծրագիրը կարելի է ասել ոչ-կառուցողական է»:
«Ցեղապաշտության, ռասիզմի, խտրականության և ծայրահեղականության դեմ պայքարի շրջանակում կառավարությունը պետք է իր ջանքերը կենտրոնացնի Բրիտանիայի ողջ ժողովրդի վրա», հավելել է Ջերեմի Քորբինը:
Նշենք,որ Բրիտանիայում ծայրահեղականության դեմ պայքարի ազգային ռազմավարության ծրագիրը ներկայացվել է 2005 թվականին իրականացված ռմբադրություններից հետո,իսկ Թերեզա Մեյի Բրիտանիայի վարչապետի պաշտոնում նշանակվելուց հետո երկարաձգվել է այդ ռազմավարության կիրառման ժամկետը:
