Գերմանիան կիբեր բանակ է ստեղծում
Գերմանիայի բանակը շաբաթ օրը կիբեր հրամանատարություն է ստեղծելու, որն իրական բանակի նման ծովային ու օդային ուժ ունի և վահանի դեր է կատարելու այդ երկրի բանակի ռազմական ու տեղեկատվական տեխնոլոգիայի համակարգերի համար:
Իրանի ռադիո-հեռուստատեսության լրատվական գործակալության հաղորդման համաձայն, Գերմանիան մտահոգ է այն փաստից, որ ապագա պատերազմները կարող են սկսվել այդ երկրի ենթակառույցների և կարևոր ցանցերի դեմ կիբեր հարձակմամբ ու լրտեսությամբ:
Գերմանիայի բանակի կիբեր հրամանատարությունը, որը տեղակայվելու է Բոնում և աշխատելու է «Բոնդես Վիեր» տեղեկությունների ու նոր կիբեր միջավայրի անվան տակ, իր աշխատանքը սկսելու է տեղեկատվական տեխնոլոգիաների 280 փորձագետներով, որոնց թիվը մինչև հուլիս ամիս կհասնի 13500 հոգու:
Գերմանիայի կիբեր բանակի հրամանատար գեներալ Լյուդվիգ Լինհուսն ընդգծել է. «Այս բանակի ստեղծմամբ, Գերմանիան այդ բնագավառում առաջատար դիրք է զբաղեցնելու ՆԱՏՕ-ում»:
