Հունաստանի ԱԳ նախարար. Մեծ մշակույթների համաժողովը կգումարվի Իրանի ներկայությամբ
Հունաստանի ԱԳ նախարարը տեղեկացրել է Իրանի և աշխարհի 9-ն այլ երկրների ԱԳ նախարարների ներկայությամբ Աթենքում Մեծ մշակույթների համաժողովի կազմակերպման մասին:
ԻՌՆԱ-ի հաղորդման համաձայն, Նիկոս Կոցիասն ուրբաթ գիշեր հայտարարեց, որ Հունաստանի առաջարկով ու նախաձեռնությամբ և Չինաստանի ժողովրդական հանրապետության համագործակցությամբ կիրակի օրը պատմական վաղեմի պատմություն ու մշակույթ ունեցող 9 երկրների՝ Իրանի, Չինաստանի, Հնդկաստանի, Իրաքի, Եգիպտոսի, Հունաստանի, Իտալիայի, Մեքսիկայի, Պերուի ու Բոլիվիայի ԱԳ նախարարների ներկայությամբ Աթենքում գումարվելու է «Մեծ մշակույթներ» խորագրով համաժողովը:
Հունաստանի ԱԳ նախարարը նշել է, որ աշխարհի հին պատմություն ունեցող երկրների միջև մտքերի փոխանակումը կարող է մեծացնել պոտենցիալներն, ասել է. «10 երկրների մտավորականների ներկայությամբ գիտական սեմինարներ են կազմակերպվելու»:
«Համաժողովին մասնակցող ԱԳ նախարարները պատմական մշակույթներն ու քաղաքակրթությունները խաղաղության վերահաստատման ուղղությամբ օգտագործելու թեմայով հանդիպումներ կունենան»,-հավելել է Նիկոս Կոցիասը:
Հունաստանի ԱԳ նախարարությունը ուրբաթ օրը մի հաղորդագրությամբ հայտարարեց, որ ԻԻՀ ԱԳ նախարար Մոհամմեդ Ջավադ Զարիֆը այդ երկրի ԱԳ նախարարության վայրում հանդիպելու է իր հույն պաշտոնակից Նիկոս Կոցիասին:
