Արաբիայի հետ սպառազինական միլիարդանոց պայմանագիրը սխալ ուղղության մեջ կդնի ԱՄՆ-ին
Գերմանիայի ԱԳ նախարարը երկուշաբթի օրը հայտարարեց, որ Արաբիայի հետ ԱՄՆ-ի քանի միլիարդ դոլարանոց սպառազինական պայմանագրով այդ երկիրը սխալ ուղղության մեջ կհայտնվի:
Իրանի ռադիո-հեռուստատեսության լրատվական գործակալության հաղորդման համաձայն` Զիգմար Գաբրիելը Բեռլինում կայացած մամուլի ասուլիսի ժամանակ նշել է, որ Ասիայի արևմտյան տարածաշրջանում բավարար քանակությամբ զենք գոյություն ունի: Նա ասել է. «ԱՄՆ նախագահի Արաբիայի կատարած առաջին ուղևորությունը, որի ընթացքում սպառազինական մեծ պայմանագիր կնքվեց, վկայում է այդ երկրի սխալ ուղղության մեջ հայտնվելու մասին»:
«Մենք աշխարհում ապազինության, ինչպես նաև դրա կիրառման վերահսկման կապակցությամբ նախաձեռնությունների խիստ կարիք ունենք»,-հայտարարեց Գերմանիայի ԱԳ նախարարը քննադատելով Արաբիայի հետ ԱՄՆ-ի սպառազինական պայմանագրի կնքումը:
ԱՄՆ նախագահն անցած շաբաթ օրը Սաուդյան Արաբիա կատարած ուղևորության ընթացքում 380 միլիարդ դոլար գնահատվող պայմանագրեր ստորագրեց այդ երկրի հետ, որի 110 միլիարդ դոլարը վերաբերում է Սաուդյան ռեժիմին սպառազինության վաճառքի շուրջ համաձայնագրին:
