Ֆրանսիացիները դժգոհ են խորհրդարանական ընտրությունների առաջին փուլի արդյունքներից
Հունիս 15, 2017 14:45 Asia/Tehran
Ֆրանսիայի TV5 հեռուստակայանը հաղորդել է, որ վերջերս անցկացված սոցհարցման արդյունքները պարզում են, որ այդ երկրի խորհրդարանական ընտրությունների առաջին փուլի մասնակիցների 52 տոկոսը գոհ չէ ընտրությունների արդյունքներից:
Հարցման մասնակիցների 61 տոկոսը հուսով է, որ Ֆրանսիայի նախագահ Էմանուել Մակրոնի «Առաջ Հանրապետություն» կուսակցությունը ավելի քիչ ձայներ կշահի խորհրդարանական ընտրությունների երկրորդ փուլում:
Նշենք, որ կիրակի օրը Ֆրանսիայում անցկացվել է խորհրդարանական ընտրությունների առաջին փուլը՝ ընտրողների մոտ 50 տոկոսի մասնակցությամբ:
«Առաջ Հանրապետություն» կուսակցությունը՝ հավաքելով ձայների 28 տոկոսը հաղթող է ճանաչվել:
Ֆրանսիայի խորհրդարանական ընտրությունների երկրորդ փուլը տեղի կունենա 2017 թ.-ի հունիսի 18-ին:
Պիտակ
