G20-ի ղեկավարներին մտահոգում է ահաբեկիչների վերադարձը
G20-ի ղեկավարները մտահոգություն են հայտնել Սիրիայից և Իրաքից ահաբեկիչների վերադարձի կապակցությամբ:
«Le Monde» ֆրանսական օրաթերթի հաղորդման համաձայն՝ Իրաքից և Սիրիայից ահաբեկիչների վերադարձի կապակցությամբ մտահոգություն հայտնելով, G20-ի ղեկավարները փորձում են կոնսենսուսի գալ ահաբեկչության դեմ պայքարի համար:
Արդյունաբերական մեծ երկրների ղեկավարներն, ուրբաթ օրը համատեղ հաղորդագրություն հրապարակելով, դատապարտել են ահաբեկիչներին ֆինանսավորումը ՝ կարևորելով փողերի լվացման դեմ պայքարի ուղղությամբ հատուկ քայլերի նախաձեռնումը:
Հաղորդագրությունում հատուկ խմբին կոչ է արվել նախաձեռնել ֆինանսական միջոցառումներ, լինել զգուշավոր ահաբեկչության նկատմամբ, աջակցել պետություններին կազմակերպված հանցագործությունների՝ այդ թվում զենքի մաքսանենգման, անտիկ իրերի կողոպուտի, դրամաշորթության, թմրաբիզնեսի և թրաֆիքինգի դեմ պայքարում:
G20-ի գագաթնաժողովի մասնակիցները նաև տարբեր պետություններին կոչ են արել առավել ակտիվ համագործակցություն ծավալել ՝ ծայրահեղականների քարոզչությունների դեմ պայքարի նպատակով:
