Լավրովը վստահելի գործընկեր չի համարում ԵՄ-ին
Ռուսաստանի ԱԳ նախարարն ակնարկելով այդ երկրի դեմ արևմուտքի ու հատկապես ԵՄ-ի պատժամիջոցներին ասել է. «Մոսկվան պարտավոր է պատասխան քայլի դիմել և փորձ կատարել ձերբազատվելու անվստահելի գործընկերների կախվածությունից»:
ԻՏԱՌ-ՏԱՍՍ-ի հաղորդման համաձայն՝ Ռուսաստանի ԱԳ նախարար Սերգեյ Լավրովը կիրակի օրը Մոսկվայում լրագրողների ու քաղաքական վերլուծաբանների հետ հանդիպման ժամանակ հավելել է. «Մոսկվան չի բանակցելու Ռուսաստանի դեմ պատժամիջոցներ սահմանած երկրների հետ և պարտավոր է պատասխան քայլ ձեռնարկել այն երկրների դեմ, որոնք պատրաստ են իրենց ազգային շահերը զոհաբերել գեոպոլետիկական խաղերում»:
«Պատժամիջոցները և քաղաքական ու տնտեսական անարդար մրցակցություններն աշխարհի կայունության վրա բացասական ազդեցություն են գործում»․ հայտարարել է Լավրովը:
Ռուսաստանի ԱԳ նախարարությունը ԵՄ-ի պատժամիջոցների շարունակվելը թուլության և անդամ երկրների շահերի հանդեպ այդ միության անուշադրության վկայություն է համարել և հայտարարել է. «Այս քայլն ապացուցում է, որ այլևս ԵՄ-ին չի կարելի միջազգային անկախ դերակատար համարել»:
