Պուտին.«Կորեական թերակղզու ճգնաժամի կարգավորման միակ լուծումը ՝ դիվանագիտությունն է»
ՌԴ նախագահի համոզմամբ, կորեական թերակղզու ճգնաժամը հնարավոր կլինի կարգավորել միմիայն դիվանագիտական ճանապարհով ու բանակցության միջոցով:
ՌԴ նախագահ Վլադիմիր Պուտինը չորեքշաբթի օրը Մոսկվայում Հարավային Կորեայի նախագահ Մուն Ջաե Ինի հետ հանդիպման ժամանակ ասել է. «Կորեական թերակղզու ճգնաժամի կարգավորման միակ լուծումը ՝ դիվանագիտությունն է»: Այդ մասին հաղորդել է CNN հեռուստաընկերությունը:
Հանդիպմանը կողմերը հանդես են եկել կորեական թերակղզում միջուկային զինաթափման պահանջով:
Հարավային Կորեայի նախագահն ասել է.«Սեուլը և Մոսկվան պետք է համագործակցեն ճգնաժամի կարգավորման հարցում»: Մունը նաև պահանջել է Հյուսիսային Կորեային թույլ չտալ միջուկային զենք ունենալ:
Մոսկվան և Սեուլն այն դեպքում են կարևորում կորեական թերակղզում միջուկային զինաթափումը, երբ ԱՄՆ նախագահ Դոնալդ Թրամփը երեքշաբթի օրը ստորագրել էՃապոնիային և Հարավային Կորեային գերարդիական սպառազինություն վաճառելու արտոնագիրը:
