ԱՄՆ-ն հակադարձել է Ռուսաստանի հետ Թուրքիայի սպառազինական գործարքին
ԱՄՆ Պետքարտուղարությունը մտահոգություն է հայտնել Ռուսաստանից «Ս-400» հրթիռներ գնելու Թուրքիայի մտադրության կապակցությամբ:
«Թուրք խաբար» կայքի հաղորդմամբ՝ անդրադառնալով Ռուսաստանի և Թուրքիայի միջև «Ս-400» հակահրթիռային համակարգ գնելու մասին բանակցություններին, ԱՄՆ Պետքարտուղարության խոսնակ Հիթեր Նոերտն ասել է.«Վաշինգտոնի համար մտահոգիչ է այն, որ Թուրքիան իրոք մտադիր է նման հակամարգեր գնել»:
Թուրքիայի նախագահ Ռեջեբ Թայիբ Էրդողանն ասել է.«Անկարան և Մոսկվան վճռակամ են այդ հարցում և պետք է սպասել այդ ուղղությամբ Ռուսաստանի քայլերին»:
ՌԴ նախագահի խորհրդական Վլադիմիր Կոժինը հայտարարել է.«Մոտ ապագայում իրականացվելու է Թուրքիայի հետ «Ս-400» հրթիռային համակարգի փոխադրման մեկուկես միլիարդ դոլարանոց համաձայնագիրը»:
Թուրքիայի արևմտյան դաշնակիցները երես թեքեցին նրանից: Իսկ այս գործարքը համարվում է Անկարայի նախաձեռնած առաջին մեծ քայլը:
