Բարսելոնայի ժողովուրդը բողոքել է Իսպանիայի կառավարության որոշման դեմ
Բարսելոնայի հազարավոր բնակիչներ շաբաթ օրը Կատալոնիայի տարածքի իշխանությունների ընկերակցությամբ բողոքի ցույց են իրականացրել Իսպանիայի սահմանադրության 155-րդ հոդվածը գործադրելու կառավարության որոշման դեմ:
ԻՌՆԱ-ի հաղորդման համաձայն, ցուցարարները պահանջել են ազատ արձակել Կատալոնիայի անկախության կողմնակիցների առաջնորդներից Ջորդի Սանչեզին և Ջորդի Քուքսարթին, ովքեր դավաճանության մեղադրանքով բերման են ենթարկվել Իսպանիայի ոստիկանության կողմից:
Իսպանիայի կառավարությունը հոկտեմբերի 21-ին չեղյալ հայտարարեգ Կատալոնիայի տարածքի ինքնավարության հանրաքվեի արդյունքները:
Իսպանիայի վարչապետ Մարիանո Ռախոյը կառավարության արտահերթ նիստից հետո ասաց. «Կատալոնիայի անկախության առկախումը ժամանակավոր բնույթ է կրում և հանրաքվե կազմակերպած ղեկավարների պաշտոնազրկումից հետո Կատալոնիայի կառավարության կառույցներն օրենքի շրջանակներում կարող են շարունակել իրենց աշխատանքը»:
Մադրիդի կառավարությունն այս որոշումն ընդունել է Իսպանիայի սահմանադրության 155-րդ հոդվածի համաձայն, որը Մադրիդին թույլատրում է ճգնաժամային պայմաններում ուղղակի կերպով իր իշխանությունը հաստատել ինքնավար տարածքներում:
Այդ որոշումը պիտի վավերացվի նաև Իսպանիայի Սենատում:
Դա ի տես այն բանի, որ Կատալոնիայի տարածքի ղեկավարը շաբաթ գիշեր հեղաշրջում անվանեց Իսպանիայի սահմանադրության 155-րդ հոդվածի գործադրումը, որի արդյունքում պաշտոնից հեռացվելու են ինքն ու այդ տարածքի մյուս պաշտոնատարները:
Քառլս Փոջդեմոնթն ընդգծել է, որ Կատալոնիայի ժողովուրդը չի ընդունելու Մադրիդի ընդունած այդ որոշումը:
