Եվրամիությունը ձգտում է Իրանի հետ տնտեսական համագործակցությանը
Իրանում Բելգիայի դեսպան Ֆրանսուա Դոլիեն ասել է.«Եվրամիությունը փորձում է ճանապարհներ գտնել Իրանի հետ տնտեսական համագործակցության միջոցով իր ընկերությունների շահերը պաշտպանելու համար»:
Իրանի ռադիո-հեռուստատեսության լուրերի ծառայության հաղորդմամբ՝ շաբաթ օրը Իրանի առևտրի, արդյունաբերության, հանքերի ու գյուղատնտեսության պալատի նախագահ Ղոլամհոսեյն Շաֆեիի հետ հանդիպումից հետո, Թեհրանում Բելգիայի դեսպանն ավելացրել է.«Եվրամիությունը լրջությամբ փորձում է զարգացնել Իրանի հետ տնտեսական համագործակցությունը և իրականացնել ՀԳՀԾ-ի հոդվածները»:
Բելգիայի առևտրի պալատների ֆեդերացիայի նախագահ Ռենե Բրանդեզն ասել է.«Մեծացել է Իրանում բելգիացիների ներդրումների ցանկությունը»: Նրա հավաստմամբ, Բելգիան ջանում է ներկայացնել Իրանում ներդրումային հնարավորությունները:
Բելգիայի առևտրատնտեսական 60 հոգանոց պատվիրակությունը քառօրյա այցով Թեհրանում է : Այցի ընթացքում քննարկվելու են մայրաքաղաք Թեհրանում և Սպահանում իրանական կողմի հետ համագործակցության ընդլայնման ճանապարհները:
