Գուտերեշը զգուշացրել է ահաբեկչության դեմ պայքարը շահարկելու կապակցությամբ
ՄԱԿ-ի գլխավոր քարտուղարը զգուշացրել է որոշ երկրների հակաահաբեկչական պայքարի քաղաքականության մարդու իրավունքների վրա թողած հետևանքների կապակցությամբ:
Բրիտանիայի «Արևելյան Աֆրիկայի հետազոտությունների» կենտրոնի ուսանողների հետ հանդիպմանը, Անտոնիո Գուտերեշը քննադատել է հակաահաբեկչական պայքարի ուղղությամբ որոշ երկրների քաղաքականությունը և մարդու իրավունքների վրա դրանց թողած ազդեցությունը: Նա ԶԼՄ-ներին կոչ է արել ահաբեկչական դեպքերի անվան ներքո սլաքը չուղղել որոշ ազգերի կողմը:
Գուտերեշը զգուշացրել է, որ առանց մարդու իրավունքները հարգելու հակաահաբեկչական քաղաքականության որդեգրումը կարող է սխալ ուղով ընթանալ:
Չնշելով որոշակի երկրի անուն, ՄԱԿ-ի գլխավոր քարտուղարն ասել է.«Ահաբեկչական ակտեր կատարողները հիմնականում այն երկրներից են, որտեղ խախտվում են մարդու իրավունքները , ինչն էլ դառնում է ահաբեկչության խթան»:
«Սկզբունքորեն ահաբեկչությունը հիմնված է մարդու իրավունքների մերժման ու ոտնահարման վրա: Ուստի դրա դեմ հնարավոր չէ պայքարել մարդու իրավունքների ոտնահարման միջոցով».-ընդգծել է ՄԱԿ-ի գլխավոր քարտուղարը:
