Ռուսաստանը պահպանելու է Սիրիայում իր զորակայանները
ՌԴ նախագահ Վլադիմիր Պուտինը Դումայի վավերացմանն է ներկայացրել Սիրիայում այդ երկրի զորակայանների ընդլայնման օրինագիծը:
ԻՍՆԱ գործակալության փոխանցմամբ՝ Ռուսաստանի կառավարության օրինագծով, Սիրիայի արևմտյան Տարտուսի նավահանգստում այդ երկրի ռազմածովային ուժերի զորակայանը մնալու է ևս 49 տարի: Երկու երկրի համաձայնության դեպքում, ժամկետը երկարաձգվելու է 25 տարով:
Ըստ նախագծի, զորակայանում Ռուսաստանի զինտեխնիկան ու բանակայիններն ունենալու են Սիրիայի վարչական ու քաղաքացիական լիարժեք անձեռնմխելիությունը, իսկ Սիրիայի կառավարությունը ռուսներին կանչելու և գույքերը ստուգելու իրավունք չի ունենալու:
Անձեռնմխելի են մնալու նաև Սիրիայում զորակայանին անհրաժեշտ անձնակազմ գործուղելու Ռուսաստանի կառավարության իրավունքները:
Սիրիայի տարածքից ռուսական զորքերի դուրս գալուց հետո, Ռուսաստանի տիրապետության տակ են մնալու այդ երկրի Տարտուսի և Համիմիի զորակայանները:
