Ռուսաստան. Սիրիայում ամերիկացի զորայինների ներկայությունն անօրինական է
Ռուսաստանի ԱԳ նախարարության խոսնակը հայտարարել է, որ Սիրիայում ամերիկացի զորայինների ներկայության շարունակվելն անօրինական է և նրանք պետք է հեռանան այդ երկրից»:
Մոսկվայից Քուվեյթի պաշտոնական լրատվական գործակալության հաղորդման համաձայն, Մարիա Զախարովան չորեքշաբթի երեկոյան կայացած մամուլի ասուլիսում անդրադառնալով Սիրիայի զինվորական ու կարգապահական ուժերի միջոցով այդ երկրի տարբեր տարածքների վերահսկման ու ԻԼԻՊ-ի ահաբեկիչների կրած պարտությանն, ասել է. «Չենք կարող ընդունել Սիրիայում իր զորայիններին պահպանելու համար ԱՄՆ-ի պատրվակները»:
«Ամերիկյան կողմը հայտարարում է, թե ԻԼԻՊ ահաբեկչական խմբի պարտությունը դեռ լիակատար չէ, ինչը միայն նպատակ ունի արդարացնել Սիրիայում ամերիկացի զորայինների ներկայությունը»,-ընդգծել է Ռուսաստանի ԱԳ նախարարության խոսնակը:
«Սիրիայում Ռուսաստանի ներկայությունը Դամասկոսի կառավարության հրավերով է և համապատասխանում է միջազգային բոլոր որոշումներին»-հայտարարել է ռուս դիվանագետը, հիշեցնելով, որ ԻԼԻՊ-ի դեմ հաղթանակի հարցում Վաշինգտոնի դերակատարության մասին ԱՄՆ-ի հայտարարություններն անհիմն են:
