Թուրքիայում ռազմական ինքնաթիռ է վթարվել.կա երեք զոհ
Թուրքիայի հարավային հատվածում տեղի ունեցած ռազմական ինքնաթիռի վթարի հետևանքով երեք մարդ զոհվել է:
Անկարայից Իրանի ռադիո-հեռուստատեսության լրատվական ծառայության փոխանցմամբ՝ այսօր Թուրքիայում զինված ուժերի բեռնատար ինքնաթիռ է կործանվել: Մահացել են ինքնաթիռի երկու օդաչուները և անձնակազմի մեկ անդամ:
Տեղական ժամանակով չորեքշաբթի կեսօրին ինքնաթիռն ուսումնավարժանքներ անցկացնելու նպատակով թռիչք էր իրականացնում Թուրքիայի Սպարտա նահանգի հարավային հատվածում և ընկել է անհայտ պատճառով:
Ինքնաթիռն ավիաբազայից դուրս է եկել Թուրքիայի ժամանակով ժամը 11:03-ին և ռադարներից անհետացել 12:50-ի սահմաններում:Ժամը 14:30-ին Սպարտայի Էղիրդիր լճից հյուսիս հայտնաբերվել են ինքնաթիռի մնացորդները և 3 մահացած անձանց դիերը:
Անվտանգության ուժերի մասնակցությամբ հետաքննություն է սկսվել դեպքի վերաբերյալ:
