Հրաձգություն Իտալիայում
Փետրվար 03, 2018 14:27 Asia/Tehran
Իտալիայի Մաչերատա քաղաքում հրաձգության հետևանքով վիրավորվել է 4 մարդ:
Reuters լրատվական գործակալության հաղորդման համաձայն՝ Իտալիայի Մաչերատա քաղաքի փողոցներում հրաձգության հետևանքով առնվազն 4 մարդ է վիրավորվել:
Ըստ հաղորդման՝ Իտալիայի Մաչերատա քաղաքի փողոցներից մեկում, զինված անձը ավտոմեքենայից կրակ է բացել անցորդների վրա, որոնց մեծ մասը սևամորթներ են եղել:
Իտալիայի ոստիկանությունը դեռևս չի պարզել հրաձգության հեղինակի ինքնությունն ու դրդապատճառը:
Իտալիայի լրատվամիջոցների հաղորդման համաձայն՝ կասկածներ կան, որ զինված անձը ռասիստական հողի վրա է նման քայլի դիմել:
Մաչերատայի քաղաքապետ Ռոմանո Կարանչինին քաղաքացիներին կոչ է արել Մաչերատայի փողոցներով տեղաշարժվող զինված մարդու ստեղծած վտանգավոր իրավիճակի պատճառով տներից դուրս չգալ:
Պիտակ
