Էրդողան. Թուրքիան ԵՄ-ին անդամակցելուց բացի որևէ այլ այլընտրանքի չի համաձայնելու
Թուրքիայի նախագահը կիրակի օրը իտալական «Ստամպա»» օրաթերթին տված հարցազրույցում ընդգծել է. «Անկարան ԵՄ-ին անդամակցելուց բացի որևէ այլ այլընտրանքի չի համաձայնելու»:
Համաձայն «Մեհր» լրատվական գործակալության հաղորդման, Ռեջեբ Թայիբ Էրդողանն ընդգծել է, որ Թուրքիան դեմ է Բրյուսելի հետ Անկարայի գործընկերության մասին Ֆրանսիայի նախագահ Էմմանուել Մակրոնի առաջարկին: «ԵՄ-ին լիիրավ անդամակցությունը միակ գոհացուցիչ տարբերակն է Թուրքիայի համար»:
Մակրոնը հունվարի 5-ին Փարիզում Թուրքիայի նախագահի հետ մամուլի ասուլիսի ժամանակ Էրդողանին առաջարկեց ԵՄ-ին Թուրքիայի անդամակցության փոխարեն այդ միության հետ գործընկերության պայմանագիր կնքել:
ԵՄ-ին Թուրքիայի անդամակցության բանակցությունները սկսվել են 2005 թվականից:
Եվրոպացի պաշտոնատարներն անցած տարիների ընթացքում Թուրքիայում Էրդողանի վարած քաղաքականությունների ու բռնապետական քայլերի պատճառով բազմիցս իրենց հակառակությունն են հայտնել ԵՄ-ին այդ երկրի անդամակցությանը:
2016 թվականի հուլիսի 15-ի ձախողած հեղաշրջմանը հաջորդած դեպքերն էլ առավել սրեցին ԵՄ-ի ու Թուրքիայի միջև լարվածությունները:
