Հնդկաստանի ԱԳ նախարարը Նոր Դեհլիում հանդիպում է ունեցել Իրանի նախագահի հետ
Հնդկաստանի արտգործնախարարը հանդիպում է ունեցել Իրանի Իսլամական Հանրապետության նախագահի հետ և մտքեր է փոխանակել երկկողմ ու միջազգային հարցերի շուրջ:
Իրանի ռադիո-հեռուստատեսության լրատվական ծառայության հաղորդման համաձայն, Հնդկաստանի արտաքին գործերի նախարար Սուշմա Սուարաջին և ԻԻՀ նախագահ Հասան Ռուհանին, ընդգծել են երկու երկրների միջև հարաբերությունների ընդլայնման կարևորությունը:
ԻԻՀ նախագահը, Հնդկաստան կատարած եռօրյա պաշտոնական այցի առաջին փուլում, հինգշաբթի երեկոյան քաղաքական ու տնտեսական բարձրաստիճան մի պատվիրակության ընկերակցությամբ ժամանել է Հեյդարաբադ:
Հնդկաստանի նախագահը և վարչապետը շաբաթ օրը պաշտոնապես դիմավորել են Իրանի Իսլամական Հանրապետության նախագահին Հնդկաստանի նախագահի նստավայրում:
ԻԻՀ նախագահի Հնդկաստան կատարած այցի ընթացքում նախատեսվում է երկու երկրների միջև ստորագրել առևտրային և տնտեսական համագործակցության 15 պայմանագրեր:
