Ֆրանսիան կողմ է է ՀԳՀԾ-ի լիարժեք գործադրմանը
Ֆրանսիայի ԱԳ նախարարը Մոսկվայում Ռուսաստանի ԱԳ նախարարի հետ մամուլի համատեղ ասուլիսի ժամանակ ասել է. «Պաշտոնական Փարիզը Վաշինգտոնին հիշեցրել է, որ պաշտպանում է Իրանի հետ միջուկային համաձայնության լիարժեք գործադրումը»:
«Ալ-Մայադին» հեռուստակայանի հաղորդման համաձայն, Ֆրանսիայի ԱԳ նախարար Ժան-Իվ Լը Դրիանը հայտարարել է, որ Իրանի հրթիռային ծրագրիր մտահոգիչ է և սպառնալիք՝ հարևանների համար: Նա նշել է, որ ծրագիրը պետք է կասեցվի:
Ֆրանսիայի ԱԳ նախարարը հայտարարել է, որ առաջիկա շաբաթ կայցելի Թեհրան: Նա նշել է, որ այցի ընթացքում զրուցելու է Իրանի կողմից տարածաշրջանային դերակատարներին ուղղված վտանգի շուրջ:
Ռուսաստանի ԱԳ նախարար Սերգեյ Լավրովն այս մամուլի ասուլիսի ժամանակ ասել է. «Իրանի միջուկային համաձայնության հետ կապված ցանկացած հարց պետք է կարգավորվի ոչ թե սպառնալիքի միջոցով, այլ բոլորի համախոհությամբ»:
Թեհրանն ընդգծել է, որ իր հրթիռային պաշտպանական ծրագրի շուրջ որևէ մեկի հետ չի բանակցելու:
