Բողոքի ցույց ԱՄՆ-ի Կոնգրեսի դիմաց՝ Եմենի պատերազմի շարունակման դեմ
Մի խումբ քաղաքացիական ակտիվիստներ, ԱՄՆ-ի Կոնգրեսի դիմաց ցույց անցկացնելով, բողոքել են Թրամփի կառավարության հովանավորությամբ Եմենում պատերազմի շարունակվելու և այդ երկրի անպաշտպան ժողովրդին կոտորելու դեմ:
Ռոյտերս գործակալության հաղորդման համաձայն, հավաքի մասնակիցները ծաղիկներ են դրել Եմենի պատերազմում զոհված մանուկների հիշատակին:
Բողոքարարները նշել են, որ Եմենի դեմ Սաուդյան վարչակազմի սանձազերծած պատերազմը մարդկային ամենասարսափելի աղետներից է համարվում:
Քաղաքացիական ակտիվիստները իրենց բողոքն են հայտնել Եմենի պատերազմում ԱՄՆ-ի միջամտության և հովանավորության դեմ, ասելով, որ այդ պատերազմում ԱՄՆ-ը Սաուդյան Արաբիային հովանավորելու փոխարեն, պետք է իր դիվանագիտական հզորությունից օգտվելով, խաղաղ լուծում գտնի:
Հավաքի մասնակիցները ամերիկացի պաշտոնատարներին կոչ են արել անհապաղ հումանիտար օգնություններ առաքել Եմենի իրավազրկված ժողովրդի համար:
