Դոնալդ Թրամփը մտադիր է արտաքսել շուրջ երկու միլիոն ապաստանյալների
ԱՄՆ նախագահը կիրակի օրը հայտարարել է, որ բացառում է նախկին վարչակազմի հովանավորության տակ առնված շուրջ մեկ միլիոն 800 հազար ապաստանյալների ԱՄՆ-ում բնակվելը և պահանջել է սահմանային վերահսկողության ավելի խիստ քայլեր ձեռնարկել:
ԻՌՆԱ-ի հաղորդման համաձայն՝ Մեքսիկայի հետ սահմանին պատ կառուցելու շուրջ Կոնգրեսի դեմոկրատական անդամների հետ ամիսներ տևած բանակցությունները ձախողելուց հետո, Թրամփն իր թուիթերյան էջում գրել է. ««Դաքա»-ի օրենքի շուրջ համաձայնությունը բացառվում է»:
«Դաքա»-ի օրենքն ընդունվեց ԱՄՆ նախկին նախագահ Բարաք Օբամայի պաշտոնավարության շրջանում և իր հովանավորության տակ վերցրեց այն միգրանտներին, ովքեր մանուկ հասակում էին մուտք գործել ԱՄՆ:
Ամերիկյան ԶԼՄ-ներում «Երազողներ» կոչումն ստացած այդ անձանց ճակատագրի վերաբերյալ քննարկումների արդյունքում բյուջեի օրինագծի շուրջ համաձայնություն ձեռք չբերվեց: Արդյունքում, պատճառով վերջին ամիսներին ԱՄՆ կառավարության աշխատանքը մի քանի անգամ արձակվեց:
Բյուջեի վերջնական օրինագիծն առանց «Դաքա»-ի օրենքի շուրջ որևէ պայմանավորվածություն ձեռք բերվելու, ի վերջո անցած շաբաթ ստորագրվեց Թրամփի կողմից և օրենքի ուժ ստացավ:
ԱՄՆ-ի ընթացիկ տարվա բյուջեի օրենքում անտեսվել է Մեքսիկայի հետ սահմանին պատի կառուցման ծախսերի խոշոր մի բաժինն, ինչն էլ զայրույթ է պատճառել Թրամփին:
