ՆԱՏՕ-ի անդամները պաշտպանեցին այդ կազմակերպությանը Վրաստանի անդամակցությունը
ՆԱՏՕ-ի անդամ երկրների ներկայացուցիչները կոչ են արել լուրջ ու գործնական աջակցություն ցուցաբերել այդ կազմակերպությանը Վրաստանի անդամակցության գործընթացին:
ԻՌՆԱ-ի հաղորդման համաձայն, երեքշաբթի օրը Լեհաստանում գումարված ՆԱՏՕ-ի Խորհրդարանական Վեհաժողովի նիստում հրապարակված մի հայտարարությամբ անդամ երկրները ՆԱՏՕ-ի ղեկավարներից պահանջել են ընդգծել Վրաստանի և Ուկրաինայի ինքնիշխանության ու տարածքային ամբողջականության հանդեպ իրենց անսակարկ աջակցությունը:
Հայտարարության մեջ նաև ընդգծվել է հուլիս ամսին Բրյուսելում նախատեսված գագաթնաժողովում ՆԱՏՕ-ի ղեկավարների միասնականության, նաև անվտանգության հետ կապված սպառնալիքների հանդեպ այ կազմակերպության միասնականության անհրաժեշտությունը:
ՆԱՏՕ-ի ԽՎ-ն 1955 թվականին հիմնադրված խորհրդարանական կառույց է, որի նիստերին մասնակցում են ՆԱՏՕ-ի անդամ ու գործընկեր երկրների խորհրդարանների պատգամավորները:
ՆԱՏՕ-ի անդամներն այն պայմաններում են Վրաստանի անդամակցության հանդեպ իրենց աջակցությունը հայտնում, երբ Մոսկվան անգամներ ազդարարել է ՆԱՏՕ-ի ընդլայնման և իր սահմանների մերձակայքում այս կազմակերպության ուժերի տեղակայման մասին և հայտարարել է, որ համարժեք պատասխան է տալու նման քայլերին:
