Իտալացի գործարարները պահանջել են երաշխավորել Իրանում եվրոպական ընկերությունների աշխատանքը

Իրանի ռադիո-հեռուստատեսության լրատվական գործակալության հաղորդման համաձայն՝ Հռոմում կայացած Իտալիայի արդյունաբերությունների կոնֆեդերացիայի տարեկան նիստում իտալացի գործարարները Իրանի հետ հարաբերությունների ընդլայնումը և երկու երկրի միջև բանկային սահմանափակումների վերացումն են պահանջել:

Իտալիայի արդյունաբերությունների կոնֆեդերացիայի գրասենյակի տնօրեն Պասկուեալե Դուրոսոն ասել է. «Եվրոպան պետք է վճռակամությամբ իր ուշադրությունը սևեռի Միջին Արևելքի ամենամեծ ու կարևոր պետություն Իրանի վրա»:

Իտալիայի արդյունաբերությունների կոնֆեդերացիայի տնօրեն՝ Վինչենսո Բուչան ասել է.«Եվրամիությունը պետք է ունենա անկախ արտաքին քաղաքականություն, որը առաջին հերթին պետք է առնչվի Իրանի հետ»: