ԱՄՆ-ն սպառնացել է, որ պատժամիջոցներ կկիրառի Թուրքիայի դեմ
Ամերիկացի մի պաշտոնատար երեքշաբթի օրը հայտարարել է, որ եթե Թուրքիան հակահրթիռային պաշտպանության «Էս-400» համակարգեր գնի Ռուսաստանից, Վաշինգտոնը պատժամիջոցներ կգործադրի Անկարայի դեմ:
Համաձայն «Սպուտնիկ» լրատվական գործակալության հաղորդման, Եվրոպայի ու Եվրասիայի հարցերով ԱՄՆ պետքարտուղարի օգնական Վես Միչելը երեքշաբթի օրն ասել է. «Եթե Թուրքիան հակահրթիռային պաշտպանության «Էս-400» համակարգեր գնի Ռուսաստանից, կենթարկվի ԱՄՆ-ի պատժամիջոցներին»:
Թուրքիայի ԱԳ նախարար Մևլութ Չավուշօղլուն այս ամսվա սկզբին Վաշինգտոնին քննադատեց այն բանի համար, ինչը նա »արևմտյան ոճով ճգնաժամի ստեղծում» անվանեց:
Ռուսաստանի սպառազինության արտահանման պետական ընկերություն՝ «Ռոսոբորոնէկսպորտ»»-ը ապրիլին հայտարարեց, որ այդ երկիրը սկսել է Թուրքիայի համար «Էս-400» համակարգերի արտադրման աշխատանքը:
Հակահրթիռային պաշտպանության «Էս-400» համակարգի կապակցությամբ Մոսկվա-Անկարա համաձայնությունը տարաձայնություններ է առաջացրել Թուրքիայի ու ԱՄՆ-ի միջև և Վաշինգտոնի պաշտոնատարներն այն պատճառաբանությամբ, որ «Էս-400» համակարգերը չեն համապատասխանում ՆԱՏՕ-ի պաշտպանական կառույցներին Թուրքիային պատժամիջոցների գործադրմամբ են սպառնացել:
