Չինաստանն ԱՀԿ-ին բողոք է ներկայացրել ԱՄՆ-ի դեմ
Չինաստանի Առևտրի նախարարությունը հայտարարել է, որ Պեկինը կրկին բողոք է ներկայացրել Առեւտրի համաշխարհային կազմակերպությանը՝ ԱՄՆ-ի կողմից այդ երկրից ներկրված ապրանքների վրա նոր սակագներ սահմանելու դեմ:
ԻՌՆԱ-ի հաղորդման համաձայն՝ այս մասին նշված է Չինաստանի առեւտրի նախարարության հայտարարության մեջ, կապված 34 մլրդ դոլարի չինական ապրանքների ներմուծման վրա Վաշինգտոնի մտցրած մաքսատուրքերի հետ:
Հակադարձելով ԱՄՆ-ի այդ քայլին, Չինաստանը 34 միլիարդ դոլարի մաքսատուրք է սահմանել ԱՄՆ-ից ներկրված ապրանքների վրա:
Համաշխարհային առեւտրի խորհրդի անցյալ շաբաթ կայացած հանդիպման ընթացքում, 40 երկրների պատվիրակները քննադատեցին ԱՄՆ կառավարության առեւտրային քաղաքականությունը:
Թրամփը մշտապես պնդել է, որ ազատ առեւտուրը վնասում է ԱՄՆ-ում տնտեսությանը և սպառնացել է խոչընդոտներ ստեղծել ազատ առևտրի ճանապարհին:
