Լավրովն արձագանքել է Ռուսաստանի դեմ ԱՄՆ-ի նոր պատժամիջոցներին
Ռուսաստանի ԱԳ նախարարն իր ամերիկացի պաշտոնակցի հետ հեռախոսազրույցում խստորեն դատապարտել է Մոսկվայի դեմ Վաշինգտոնի նոր պատժամիջոցները:
«Ալ-Մայադին» հեռուստակայանի հաղորդման համաձայն, Ռուսաստանի ԱԳ նախարար Սերգեյ Լավրովն ուրբաթ օրն իր ամերիկացի պաշտոնակից Մայք Պոմպեոյի հետ հեռախոսազրույցի ժամանակ նշել է. «Մոսկվան մերժում է Ռուսաստանի դեմ ԱՄՆ-ի նոր պատժամիջոցները»:
Ռուսաստանի վարչապետ Դմիտրի Մեդվեդևն ուրբաթ օրն ԱՄՆ-ն ազդարարեց, որ այն պատժամիջոցները, որ Վաշինգտոնը նախկին ռուս հետախույզի թունավորման գործով պատրաստվում է Մոսկվայի դեմ գործադրել 2018 թվականի օգոստոսից, ընկալվելու են որպես Ռուսաստանի դեմ առևտրական պատերազմ:
Ռուսաստանի ԱԳ նախարարությունը մի հաղորդագրությամբ հայտարարել է, որ Մոսկվան համարժեք պատասխան կտա Վաշինգտոնի նոր պատժամիջոցներին:
ԱՄՆ պետքարտուղարությունն ավելի վաղ հայտարարել էր, որ 2018 թվականի մարտին Բրիտանիայում, ռուս նախկին հետախույզ Սերգեյ Սկրիպալի ու նրա դստեր թունավորման գործով պատրաստվում է նոր պատժամիջոցներ գործադրել Մոսկվայի դեմ:
