Թուրքիան կրկին անգամ մերժել է ամերիկացի քահանայի ազատ արձակման հայցը
Թուրքիայի գերագույն դատարանը երրորդ անգամ մերժել է ամերիկացի քահանա Էնդրու Բրոնսոնին տնային կալանքից ազատելու հայցը:
Չնայած ամերիկացի քահանայի տնային կալանքի պատճառաբանությամբ Թուրքիայի դեմ պատժամիջոցներ կիրառելու համար ԱՄՆ-ի նախազգուշացումներին, այդ երկրի գերագույն դատարանն ուրբաթ օրը մերժելով ամերիկացի քահանայի ազատ արձակման հայցը, հայտարարել է, որ Էնդրու Բրոնսոնը պետք է Թուրքիայում կրի իր պատիժը:
Բրոնսոնը ձերբակալվել էր 2016 թվականի հոկտեմբերին՝ Քուրդստանի բանվորական կուսակցության և 2016 թվականի հուլիսյան ձախողած հեղաշրջման հեղինակների հետ կապ ունենալու մեղադրանքով: Այսօր նա արդեն շաբաթվա ընթացքում երրորդ անգամ , դատարանին հայտ էր ներկայացրել ՝ իր վճիռը վերանայելու համար:
ԱՄՆ ֆինանսների նախարար՝ Ստիվ Մենուչինը հինգշաբթի օրը սպառնացել էր, որ եթե Թուրքիայի գերագույն դատարանը մերժի Բրոնսոնի հայցը, ապա Վաշինգտոնը գործադրելու է Թուրքիայի դեմ պատրաստած խիստ պատժամիջոցները:
