Թուրքիայի արձագանքը ԱՄՆ մեղադրանքներին
«Թուրքիայում կալանավորված ամերիկացի հոգևորական Էնդրյու Բրանսոնին ազատ արձակելու Միացյալ Նահանգների պահանջներն անընդունելի են»: Այդ մասին հայտարարել է Թուրքիայի նախագահ Ռեջեփ Թայիփ Էրդողանի խոսնակ Իբրահիմ Քալընը:
«Թուրքիան օրենքի երկիր է, և քահանա Բրանսոնի գործի վերաբերյալ իրավական գործընթաց է ընթանում, այդ իրավական գործընթացներն արհամարհելով մի շարք պահանջներ ներկայացնելը, անշուշտ, անընդունելի է։ ԱՄՆ-ն այժմ կամայական մեկնաբանություններ ու պահանջներ է հնչեցնում ընթացքի մեջ գտնվող մի դատական գործընթացի վերաբերյալ»,- ասել է Քալընը։
Նա քննադատել է ԱՄՆ-ի կողմից Իրանի նկատմամբ պատժամիջոցները շրջանցելու կապակցությամբ Թուրքիայի «Հալք բանկ» դեմ հնչեցրած մեղադրանքները:
Հիշեցնենք, որ ամերիկացի քահանա Բրանսոնը կալանավորվել է 2018 թ.-ի օգոստոսի 1-ին Թուրքիայում հեղաշրջման փորձի համար մեղադրվող թուրք կրոնական քարոզիչ Ֆեթուլլահ Գյուլենի «Հիզմեթ» խմբավորման հետ կապեր ունենալու համար:
