Թուրքիան ընդգծեց Սիրիայի հարցի կարգավորման ուղղությամբ Թեհրանի նիստի նշանակությունը
Թուրքիայի կառավարությունը կարևորել է Սիրիայի ճգնաժամի կարգավորման նպատակով ուրբաթ Թեհրանում գումարվելիք եռակողմ նիստը:
Համաձայն ԻՌՆԱ-ի հաղորդման, Թուրքիայի նախագահի աշխատակազմը հինգշաբթի օրը մի հաղորդագրություն տարածելով հայտարարել է, որ ուրբաթ օրն Իրանի, Ռուսաստանի և Թուրքիայի նախագահների մասնակցությամբ գումարվելիք Թեհրանի նիստում Սիրիայի ճգնաժամի մշտական կարգավորման ուղղությամբ կարևոր որոշումներ կկայացվեն:
«Թեհրանի նիստում Թուրքիայի, Իրանի և Ռուսաստանի նախագահներ Ռեջեբ Թայիբ Էրդողանը, Հասան Ռոհանին և Վլադիմիր Պուտինը կքննարկեն Անկարայում գումարված նախորդ նիստից հետ արձանագրված զարգացումները»,-ասված է Թուրքիայի նախագահի աշխատակազմի տարածած հաղորդագրության մեջ:
Հաղորդագրության մեջ կարդում ենք. «Թեհրանի նստաշրջանում քննարկվելու են նաև Աստանայի գործընթացի շրջանակներում քաղաքական գործընթացների ու համատեղ քայլերի ուղղությամբ իրականացված ջանքերը»:
Սեպտեմբերի 7-ին Թեհրանում գումարվելու է Իրանի, Ռուսաստանի և Թուրքիայի նախագահների եռակողմ նիստը, որի նպատակն է գտնել քաղաքական ճանապարհներ՝ Սիրիայում ներքին պատերազմին վերջ տալու նպատակով:
