Բարի օր սիրելի բարեկամներ: Ինչպես հաղորդման վերնագրից իմացաք այսօր խոսելու ենք Հասարակության ձևավորման խնդիրների մասին: Հաղորդման բնույթը մեզ ասում է , որ պետք է խոսել հոգեբանական թեմաների մասին, բայց քանի որ հասարակությունը և մարդը եղել ու լինելու են մշտական փոխկապակցվածության մեջ, մենք որոշեցինք խոսել նաև այս թեմայի շուրջ: Որպես աղբյուր օգտվել ենք հոգեբան, հոգեվերլուծող, հոգեբանական գիտությունների թեկնածու , դոցենտ Վլադիմիր Միքայելյանի հեղինակային հաղորդաշարից:

Զրույցը սկսենք դաստիրակության մասին բացատրություններով:

Դաստիարակությունը որոշակի տեխնոլոգիաների համակարգ է, որն ուղղված է երեխայի անձի նպատակաուղղված ձևավորմանը։ Հասարակական, արտադրական, մշակութային կյանքին նախապատրաստելու համար։ Դաստարակությունը իրականացվում է ընտանիքի և դպրոցի համատեղ գործունեության ընթացքում, նախադպրոցական և արտադպրոցական հաստատություններում, հիմնարկություններում, մանկական, երիտասարդական, հասարակական կազմակերպություններում։

Դաստիարակությունը հասարակական կյանքի համընդհանուր անհրաժեշտ կատեգորիա է։ Սերտորեն կապված է ուսուցման հետ։ Դաստիարակության հիմնական եղանակներն են՝ ընտանեկան և հասարակական։

Եթերում հոգեբան Վլադիմիր Միքայելյանն է:

.................................

Բովանդակությունը, մեթոդներն ու ձևերը պատմականորեն պայմանավորված են հասարակարգի առջև ծառացած խնդիրներով ն նրա շահերով։ Դաստիարակությունը վերնաշենքային երևույթ է։ Նրա նպատակներն ու խնդիրները որոշվում են հասարակական հարաբերություններով։

Ուսումնադաստիարակչական հաստատություններից կարևորագույնը դպրոցն Է։ Անձի ձևավորման համար կարևոր է հասարակական միջավայրը, գեղարվեստական գրականությունը, թատրոնը, կինոն, հեռուստատեսությունը։

Օրվա թեմայի հետ կապված իր կարծիքներով կիսվել է նաև մեր ունկնդիրներից մեկը:

………..

Ասացինք, որ հասարակությունը դաստիարակում է ընտանիքին, ընտանիքն էլ իր հերթին ՝ մարդուն: Դաստիարակության արդյունքում մարդը սովորում է իր պարտականությունները և իմանում, թե ինչի՞ համար է պատասխանատու իր կյանքում:

Պատասխանատվությունը անձի ընդհանրական հոգեբանական հատկանիշ է, անձի բնավորության գիծ, ինչպես, ասենք, քաջությունը, համարձակությունը, հաստատակամությունը, հպարտությունը և այլն:

Ի դեպ, այն դրսևորվում է ոչ միայն բնավորության, այլև վարքի տարբեր ձևերում, ընկալումներում, զգացմունքներում, գիտակցության մեջ,  աշխարհայացքում և դիրքորոշումներում:

Եթերում հոգեբան Վլադիմիր Միքայելյանն է:

...............

Սիրելի բարեկամներ հաջորդ շաբաթ շարունակելու ենք այս թեման: