Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Անբիա սուրահի 30-րդ այա

أَوَلَمْ یَرَ الَّذِینَ کَفَرُوا أَنَّ السَّمَاوَاتِ وَالْأَرْضَ کَانَتَا رَتْقًا فَفَتَقْنَاهُمَا وَجَعَلْنَا مِنَ الْمَاء کُلَّ شَیْءٍ حَیٍّ أَفَلَا یُؤْمِنُونَ

Անահավատները մի՞թե չգիտեն, որ երկինքներն ու երկիրը մի սեղմ զանգված էին, և մենք բացեցինք դրանք ու անձրև իջեցրինք երկնքից և յուրաքանչյուր կենդանի էակի ջրից ստեղծեցինք: Նրանք երբևէ չե՞ն հավատալու:

Այս այան և սրան հաջորդող այաները, խոսում են այն նշանների մասին, որոնց հիման վրա կարելի է հասկանալ Աստծո կամքը ողջ տիեզերական համակարգում: Եվ նախ անհավատների ուշադրությունը հրավիրում է այն ժամանակաշրջանի վրա, երբ սկսվեց արարչագործությունը: Այան ասում է. «Մի՞թե նրանք չգիտեն, որ երկինքներն ու երկիրը միացած էին ու մենք դրանք առանձնացրեցինք»: Որոշ գիտնականների կարծիքով, աշխարհը սկզբում եղել է գոլորշու մեծ զանգված, որը տարբեր ներքին պայթյունների հետևանքով մասնատվել է և աստղերը, այդ թվում ողջ գալակտիկան ու երկիր մոլորակը, ստեղծվել են դրանից: Կա նաև այլ կարծիք, որ սկզբում երկնքից անձրև չէր մաղում և երկրի վրա բուսականություն չկար, ասես երկուսն էլ փակ էին: Սակայն Աստված ճեղքեց դրանք, երկնքից անձրև մաղեց ու երկրի վրա բուսականություն աճեց: Այս տեսակետի մասին պետք է ասել, որ դրան հավատում է  իսլամ կրոնը, քանի որ կարելի է  տեսնել, թե ինչպես է անձրև մաղում և ինչպես է բուսականությունն աճում: Այս տեսակետը համապատասխանում է նաև այայի շարունակությանը, որում ասվում է, որ յուրաքանչյուր կենդանի էակ ստեղծվել է ջրից:

Այս այայից սովորում ենք․

1. Բնության համակարգը ճանաչելը պատճառ է դառնում, որ մարդը հասկանա բնության ուժն ու համակարգը:

2. Ջուրը կյանքի աղբյուր է և ոչ միայն մարդու, այլ բոլոր կենդանի էակների համար: Այն երկնքից թափվում է հողի վրա:

Անբիա սուրահի 31 և 32-րդ այաներ

وَجَعَلْنَا فِی الْأَرْضِ رَوَاسِیَ أَن تَمِیدَ بِهِمْ وَجَعَلْنَا فِیهَا فِجَاجًا سُبُلًا لَعَلَّهُمْ یَهْتَدُونَ

وَجَعَلْنَا السَّمَاء سَقْفًا مَّحْفُوظًا وَهُمْ عَنْ آیَاتِهَا مُعْرِضُونَ

Երկրում հաստատեցինք կանգուն լեռներ, որպեսզի (երկիրը) նրանց (մարդկանց) չթափահարի: Եվ նրա վրա լայն ճանապարհներ տեղադրեցինք, որպեսզի մարդիկ ելք գտնեն:

Մենք երկինքը բարձրացրինք՝ որպես ապահով տանիք: Մեր զորության նշանները երբեք չեն հասկանալու:

Այս այաները խոսում են Աստծո այլ նշանների` լեռների մասին: Լեռները պահպանում են երկիրը խիստ ցնցումներից, որ տեղի են ունենում ներքին գազերի առկայության հետևանքով: Եթե լեռները չլինեին, երկրի մակերեսը կլիներ հարթ և կառաջանային հզոր փոթորիկներ, հողմեր, և չոր անապատներ: Այնուհետև այան ասում է, որ լեռներում կա կյանք, կան ձորեր  ու ճանապարհներ, որպեսզի ուղևորները հասնեն իրենց նպատակին:

Երկիր մոլորակի մթնոլորտը, որը մենք անվանում են երկինք, չնայած ստեղծված է օդից ու  գազից, սակայն որպես ամուր  ու դիմացկուն վահան, մեզ պաշտպանում է  ասուպների ամենօրյա ռմբակոծությունից, որոնք շատ վտանգավոր են: Արևի լույսը, որն ունի մահացու ճառագայթներ, նույնպես մթնոլորտի միջոցով անցնելիս զտվում է: Երկիր մոլորակի մթնոլորտը թույլ չի տալիս, որ ճառագայթները հասնեն երկրին ու վնասեն մարդկանց։

Այս այաներից սովորում ենք․

1.  Երկնքի, երկրի ու սարերի արարումը պատահականություն չէ: Դրանք բոլորը ստեղծվել են Աստծո կամոք:

2. Ինչպե՞ս կարելի է  ընդունել, որ իմաստուն Աստված, երկիրը ցնցումներից պահպանելու համար լեռներ ստեղծեց, սակայն մարդկանց մոլորության համար չնշանակեց հոգևոր ու գաղափարական առաջնորդներ:

3. Երկինքն ու տիեզերական երևույթներն աստվածային իմաստնության և ուժի դրսևորումներն են, սակայն մարդը հաճախ մոռանում է այդ մասին:

Անբիա սուրահի 33-րդ այա

وَهُوَ الَّذِی خَلَقَ اللَّیْلَ وَالنَّهَارَ وَالشَّمْسَ وَالْقَمَرَ کُلٌّ فِی فَلَکٍ یَسْبَحُونَ

Աստված է ստեղծել ցերեկն ու գիշերը: Նա է ստեղծել արևն ու լուսինը և աստղերը, որոնք ընթանում են (որոշված) շրջանակով:

Գիշերը և ցերեկը, մայրամուտն ու լուսաբացը, լուսնի ու արևի պտույտը, աստղերը, որ պտտվում են իրենց առանցքի շուրջ, այս բոլորն Աստծո արարչագործության համակարգի մեջ են մտնում: Մարդն ամեն օր տեսնում  է այս հրաշալի երևույթեներն ու առնչվում դրանց հետ: Սակայն հաճախ նաև մոռանում է, թե ով է դրանք ստեղծել ու կառավարում:

Այս այայից սովորում ենք․

1.  Գիշերն ու ցերեկն Աստծո բարիքներն են: Եվ եթե միայն պատկերացնենք, որ դրանցից որևէ մեկը չլինի, կարող ենք զգալ, թե ինչ տեղի կունենա մեզ հետ:

2. Լուսաբացն ու մայրամուտը, տարվա ընթացքում լուսնի պտույտը, վկայում են արարչագործության հրաշալի համակարգի մասին: Սակայն շատ մարդիկ, չնայած տեսնում են լուսաբացի ու մայրամուտի գեղեցկությունը, սակայն պատրաստ չեն խոնարհվել դրանք արարողի առջև: