Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս» հաղորդումը,Ղուրանի մատչելի մեկնաբանությամբ:

Շոարա սուրահի 21 և 22-րդ այաներ

فَفَرَرْتُ مِنکُمْ لَمَّا خِفْتُکُمْ فَوَهَبَ لِی رَبِّی حُکْمًا وَجَعَلَنِی مِنَ الْمُرْسَلِینَ

وَتِلْکَ نِعْمَةٌ تَمُنُّهَا عَلَیَّ أَنْ عَبَّدتَّ بَنِی إِسْرَائِیلَ  

Ձեզանից փախա, որովհետև վախեցա: Բայց Աստված ինձ իմաստություն տվեց և առաքյալների շարքում դասեց:

Արդյոք դա շնորհ ես համարում իմ նկատմամբ, որ Իսրայելի զավակներին գերության մեջ ես պահում:

Այս այաները նախորդ այաների շարունակությունն են, որտեղ ասվում էր, որ Մովսեսը գնաց Փարավոնի մոտ, որպեսզի նրան փոխանցեր Աստծո խոսքը: Սակայն փարավոնը նրան հիշեցրեց այն դեպքը, երբ իսրայելցու ու ղպտիի միջև բախման ժամանակ, Մովսեսը փորձել էր օգնել իսրայելցուն և անզգուշաբար սպանել էր ղպտիին: Մովսեսն այնուհետև ասում է . «Ես վախեցա, որ ձերբակալվեմ ու անարդար կերպով դատվեմ: Ուստի փախա Եգիպտոսից Մադայեն: Աստված ինձ իմաստնություն սովորեցրեց ու մարգարե հռչակեց: Եվ հիմա ես առաքելություն ունեմ թույլ չտալ, որ դու բռնության ենթարկես Իսրայելի ժողովրդին»: Նա հավելում է. «Եթե դու ինձ մեծացրիր քո պալատում, դա ոչ թե քո բարության արդյունքն էր, այլ այն բռնության, որ դու գործադրեցիր իմ և իմ ընտանիքի նկատմամբ: Ես պետք է մեծանայի իմ ծնողների տանը, սակայն քանի որ դու հրամայել էիր սպանել բոլոր այն տղաներին, որ ծնվել էին Իսրայելում, մայրս ինձ դրեց մի արկղի մեջ ու գետը նետեց: Դուք ինձ գտաք գետից և որպես որդի մեծացրիք»:

Այս այաներից սովորում ենք.

1. Երբեմն անբարո վարչակարգից փախչելը պատճառ է դառնում, որ մարդն արժանանա Աստծո շնորհներին: 

2. Աստված մարգարեներին տվել է գիտելիք և իմաստություն, որպեսզի կարողանան կատարել իրենց առաքելությունը և մարդկանց ցույց տան ճշմարտությունը:

3. Այն վարչակարգն է աստվածային, որ ծառայում է մարդկանց ու փորձում լուծել նրանց դժվարությունները:

Շոարա սուրահի 23 և 24-րդ այաներ

قَالَ فِرْعَوْنُ وَمَا رَبُّ الْعَالَمِینَ

قَالَ رَبُّ السَّمَاوَاتِ وَالْأَرْضِ وَمَا بَیْنَهُمَا إن کُنتُم مُّوقِنِینَ

Փարավոնը հարցրեց նրան. «Ո՞վ է տիեզերքի Վեհապետը»:

 Մովսեսը պատասխանեց. «Երկինքներն ու երկիրը և անհուն տիեզերքի կառավարողն է: Եթե հավատաք այս ճշմարտությանը»:

Երբ փարավոնը լսեց Մովսեսի պատասխանը, ու չկարողացավ նրան պատասխան տալ, ասաց. «Դու ասում ես, որ մարգարե ես նշանակվել քո Արարչի կողմից: Հիմա ասա, ո՞վ է  քո Արարիչը»: Մովսեսը պատասխանում է. «Նա, ով ստեղծել է երկինքներն ու երկիրն ու այն ամենն ինչ գտնվում է դրանց միջև և Նա, ով կառավարում է  այդ ամենը: Երկինքն ու երկիրը և նրանց միջև բոլոր էակներն իմ Արարչի ստեղծածն են: Ուրեմն նման արարչի առաջ պետք  է խոնարհվել ու պաշտել նրան: Ով Փարավոն, եթե դու էլ փորձես գտնել ճշմարտությունը, կհավատաս այս ամենին ու կպաշտես միակ Աստծուն»:

Այս այաներից սովորում ենք․

1. Կրոնական քարոզիչների պարտականությունն է պատասխանել մարդկանց հարցերին՝ հիմնվելով տրամաբանության վրա:

2. Հակառակ կռապաշտների, ովքեր հավատում են տարբեր աստվածների, միաստվածապաշտները հավատում են միակ Աստծուն, որն ամենակարողն է:

3. Հավատացյալներն Աստծուն հավատում են նաև խորհելով արարչագործության մասին:

Շոարա սուրահի 25 և 26-րդ այաներ

قَالَ لِمَنْ حَوْلَهُ أَلَا تَسْتَمِعُونَ

 قَالَ رَبُّکُمْ وَرَبُّ آبَائِکُمُ الْأَوَّلِینَ

 ( Փարավոնն) ասաց իր մարդկանց.«Լսեցի՞ք (թե ինչ պատասխանեց)»:

 Մովսեսը պատասխանեց.«Նա ձեր Աստվածն է ու ձեր նախահայրերի Աստվածը»:

Մովսեսի հստակ պատասխանը, որը ժխտում էր փարավոնի աստված լինելն ու ներկայացնում իրական Աստծուն, արժանացավ փարավոնի զայրույթին: Փարավոնը պալատականներին կոչ արեց խանգարել Մովսեսին խոսել: Սակայն Մովսեսը շարունակեց իր խոսքն ասելով. «Իմ Աստված ոչ միայն երկնքի ու երկրի Արարիչն է, այլ ստեղծել է նաև ձեզ և ձեր կյանքը նրանից է կախված»: Դիմելով փարավոնին, նա ասաց. «Դու նրա արարածն ես ու գտնվում ես նրա իշխանության տակ: Քո ուժը նրա դիմաց ոչինչ է»:

Այս այաներից սովորում ենք.

1. Բռնատիրական վարչկարգերը փորձում են ճշմարտությունը թաքցնել ամբոխավարության հետևում:

2. Ողջ տիեզերքը, այդ թվում՝ երկինքն ու երկիրը և բոլոր էկաները, ղեկավարվում են Աստծո կողմից: