Հանուն գթած և ողորմած Աստծո: Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ, ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Լողման սուրահի 25-րդ և 26-րդ այաներ

وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ لَیَقُولُنَّ اللَّهُ ۚ قُلِ الْحَمْدُ لِلَّهِ ۚ بَلْ أَکْثَرُهُمْ لَا یَعْلَمُونَ

لِلَّهِ مَا فِی السَّمَاوَاتِ وَالْأَرْضِ ۚ إِنَّ اللَّهَ هُوَ الْغَنِیُّ الْحَمِیدُ

Հարցրու նրանց, թե ո՞վ է ստեղծել երկինքներն ու երկիրը: Նրանք կպատասխանեն՝ Աստված: (Նրանց) ասա. «Փառք Հավիտենականին», բայց նրանք մասամբ տգետ են:

Նա երկինքների ու երկրի տերն է: Հարուստ է Նա ու փառքով լեցուն:

Այս այաներն ասում են, որ եթե կռապաշտներից հարցնես,  թե ով է  արարել աշխարհը, նրանք առանց կասկածելու կասեն,- Աստված: Որովհետև բոլոր մարդիկ բնազդաբար հասկանում են, որ կուռքերը չեն ստեղծել ոչ աշխարհը և ոչ էլ կենդանի էակներին: Այնուհետև այաները, հիմնվելով կռապաշտների խոստովանության վրա, ասում են,- Եթե Աստված է արարել աշխարհը, ուրեմն նա ողջ տիեզերքի Արարիչն է ու տերը և պետք է փառաբանել, աղոթել ու ապավինել Նրան, ոչ թե այլ անձանց կամ իրերի:

Այս այաներից սովորում ենք.

1. Կռապաշտները չէին ժխտում, որ Աստված Արարիչն է: Նրանք պաշտում էին կուռքերին  և նրանցից օգնություն խնդրում:

2. Աստվածաճանաչությունը մարդու բնազդի մեջ է և նույնիսկ կռապաշտներն ընդունել են Աստծու Արարիչ լինելը:

2. Շատ մոլորություններ բխում են մարդու տգիտությունից: Իսկ մարգարեների շարժումը հենց նրա համար է եղել, որպեսզի մարդկանց գիտակցությունը չբարձրանա ու նրանք չմոլորվեն:

Լողման սուրահի 27-րդ այա

وَلَوْ أَنَّمَا فِی الْأَرْضِ مِنْ شَجَرَةٍ أَقْلَامٌ وَالْبَحْرُ یَمُدُّهُ مِنْ بَعْدِهِ سَبْعَةُ أَبْحُرٍ مَا نَفِدَتْ کَلِمَاتُ اللَّهِ ۗ إِنَّ اللَّهَ عَزِیزٌ حَکِیمٌ

Եթե մինչև իսկ աշխարհի բոլոր ծառերը գրիչ դառնային, եթե նույնիսկ յոթ օվկիանոս միանալով թանաքի ալիքներ հոսեցնեին, բավական չէր լինի Բարձրյալի հրաշալիքները նկարագրելու համար: Աստված աննկուն է և իմաստուն:

Աս այան անդրադառնում է տիեզերքի հրաշքին և ասում, որ տիեզերքի մասին մարդու գիտությունը շատ անսահամանափակ է, հավելելով, որ եթե ծովերը  թանաք լինեն ու ծառերը գրիչ,  հնարավոր չի լինի գրել Աստծու ստեղծածի մասին:

Մարդկային կյանքում բառերը մարդու մտքի դրսևորումներն են, սակայն աստվածային բառերն այս այայում խոսում են կենդանի էակների մասին, որ Աստված է արարել, իսկ այս ամենը ցույց է տալիս Արարչի ուժն ու կարողությունը: Ընդհանրապես գիտնականներն իրենց աշխատանքները գրի առնելիս, օգտվում են թղթից ու գրչից: Սակայն Աստծու գիտությունը  չունի սահման և եթե անգամ բոլոր  ծովերը դառնան թանաք իսկ ծառերը՝ գրիչ, հնարավոր չի լինի Աստծու ամբողջ արարչագործության մասին լիարժեք կերպով գրել:

Այս այայից սովորում ենք.

1. Տիեզերքը մեծ է ու անսահման և մարդը դեռևս չի կարողացել գաղափար կազմել տիեզերքի մասին: Աշխարհը չպետք է նայել նեղ տեսանկյունից, քանի որ այդ ժամանակ հնարավոր չի լինի ընկալել արարչագործությունը:

2. Ինչ որ կա այս աշխարհում, վկայում է Աստծու գոյության մասին: Ուրեմն զգուշանանք, որ շինծու աստվածներ չստեղծենք, քանի որ գիտությունը, վեհությունն ու իմաստնությունը բացարձակ Աստծունն են:

Լողման սուրահի 28-րդ այա

مَا خَلْقُکُمْ وَلَا بَعْثُکُمْ إِلَّا کَنَفْسٍ وَاحِدَةٍ ۗ إِنَّ اللَّهَ سَمِیعٌ بَصِیرٌ

Բոլորիդ ստեղծելն ու հարություն տալը մի մարդու արարման նման է, քանզի Աստված ամեն բան գիտի և լսում է:

Նախորդ այայի ժամանակ անդրադարձանք  Արարչի ստեղծածներին: Այս այան անդրադառնում է Աստծու անսահման զորությանն ասելով, որ Աստծու համար  մի մարդու կամ ողջ տիեզերքի արարումը  նույնն է և նրա անսահման զորության համար չկա հեշտ ու դժվար գործ: Ոչ միայն  մարդկանց արարումը, այլ նաև հարությունը հնարավոր է ամենակարող Աստծու համար: Աստված կարող է բոլոր մարդկանց, որ մահացել են, հանդերձյալ կյանքում հարություն տալ: Քանի որ նա ամենազոր է ու նրա համար ամեն ինչ հնարավոր է: Այնուհետև այան ասում է.- Աստված կարող է ոչ միայն հարություն  տալ մարդկանց, այլ քանի որ լսում ու տեսնում է, տեղյակ է իր բոլոր արարածների գործերից ու դրա հիման վրա պատժում կամ վարձատրում է: 

Այս այայից սովորում ենք.

1.Ժամանակը, տեղը և թիվը նշանակություն ունեն մարդու համար, բայց Աստծու վրա ժամանակը տեղն ու թիվը չեն ազդում: Նրա համար մեկ կամ  մեկ միլիարդ մարդու ստեղծումը նույնն  է, քանի որ նրա համար ամեն ինչ հեշտ է:

2. Եթե հասկանանք, որ Աստված լսում է մեր խոսքերը, և տեսնում մեր արարքները , ավելի ուշադիր կլինենք: