Ողջույն բարեկամ-379
Օգոստոս 07, 2023 13:41 Asia/Yerevan
Ողջույն Ձեզ սիրելի ռադիոլսող բարեկաներ: Եթերում է «Ողջույն բարեկամ» հաղորդաշարի հերթական թողարկումը:
2023 թվականի օգոստոսի 4-ին, Թեհրանի «Հայ Մարզամշակութային «Րաֆֆի» համալիրում տեղի ունեցավ համահավաք Ի ԶՈՐԱԿՑՈՒԹՅՈՒՆ ԱՐՑԱԽԻՆ ։
Համահավաքին հրավիրված էին, Իրանում Հայաստանի Հանրապետության դեսպանության դիվանագետ ներկայացուցիչներ, իրանցի դիվանագետներ, Կովկասագետներ, քաղաքական փորձագետներ, համալսարանի դասախոսներ, Կովկասյան տարածաշրջանի մասնագետ լրագրողներ, ակտիվիստներ և ազգային մարմինների ներկայացուցիչներ։
Համահավաքը տեղի ունեցավ «Րաֆֆի» համալիրի «Մասիս» մարզադահլիճում։
Միջոցառման ընթացքում բանախոսությամբ հանդես եկան Թեհրանի Ազատ Համալսարանի Հայոց լեզվի ու գրականության ամբիոնի վարիչ դոկտոր Անդրանիկ Սիմոնյանը, Կովկասյան տարածաշրջանի փորձագետ, ազգագրագետ և պատմաբան ՝ դոկտոր Մաջիդ Քարիմին, Թեհրանի համալսարանին կից Կովկասագիտության հիմնադրամի տնօրեն դոկտ․ Ջաաֆար Խաշեն և լրագրող Սերգեյ Բարսեղյանը։
