Украина соғысы: қуат көздерінің қымбаттауы және италиялықтардың наразылығы

Италиялықтар газ бен электр қуаты бағасының бұрын-соңды болмаған деңгейде өсуіне және инфляцияның күшеюіне наразылық білдіріп, Италияның түрлі қалаларында митингке шықты.

Рим қаласының жүздеген тұрғыны жексенбі күні Италия астанасының орталық алаңдарының біріне жиналып, қуат көздерінің бағасы өсіп, өмір сүру құнының артқанынан қажығандарын айтты.   

Шерушілер, сондай-ақ, НАТО-ның Украина соғысына араласуы және Батыс елдерінің Украинаға жан-жақты қолдау көрсетуін Италиядағы экономикалық қиыншылықтардың басты факторы деп атады.