طالبان وایي د خبریالانو خوندیتوب او سولې ته ژمن دي
نعیم وردک داسې مهال دا څرګندونې کوي، چې په وروستیو کې افغان حکومت د هدفي بریدونو په تېره د خبریالانو او سیاسي فعالینو د وژل کېدو پړه پر طالبانو اچوي.
د وسله والوطالبانو د قطر دفتر ویاند نعیم وردک وایي، چې مرکچي پلاوي یې د برلین په غونډه کې له نړیوالې ټولنې سره ژمنه کړې، چې د خبریالانو خوندیتوب او سولې ته به ژمن پاتې کېږي.
نعیم په یوه ټوېټ پیغام کې دا هم ویلي، چې دوی له هېواده د تللو افغان ځوانانو بېرته راتګ ته هم زمینه برابروي او په خبره یې ټولو موسسو او په بشري برخه کې فعالو بنسټونو ته ډاډ ورکوي چې د دوی امنیت خوندي دی.
هغه دا هم ویلي، چې د مشرانو نومونه یې باید له تور لېست څخه ووېستل شي او د دوحې هوکړه دې له دوی سره عملي شي نو دوی به هم جګړې راکمې کړي.
نعیم وردک داسې مهال دا څرګندونې کوي، چې په وروستیو کې افغان حکومت د هدفي بریدونو په تېره د خبریالانو او سیاسي فعالینو د وژل کېدو پړه پر طالبانو اچوي.
خو دغه ډله یې مسوولیت نه مني
