امریکاپه افغانستان کې د فساد او ناسم مدیریّت عامله ده
حامد کرزي همداراز روښانه کړې ده ، د امریکا په وسیله فساد ته لمن وهل یو آوزار ؤ څو خپل پروګرام پر افغانستان وتپي .
تسنیم خبری آژانس راپور ورکړی، د افغانستان پخواني ولسمشر حامد کرزي په دغه هیواد کې د فساد په پراختیا کې د امریکاپه مسئولې بللو سره وئيلي دي ،خصوصي امنیتی شرکتونو ته د امریکا د بې خرته پیسو ورکول په افغانستان کې د فساد او اړۍ ګړۍ د زیاتیدا سبب شوي دي .
حامد کرزي همداراز روښانه کړې ده ، د امریکا په وسیله فساد ته لمن وهل یو آوزار ؤ څو خپل پروګرام پر افغانستان وتپي .
په عین حال کې د افغانستان د پوځ یوه پخواني افسر عبدا... محمدي چې له طالبانو ډلې سره په نښتو کې ئې دوې پښې او یو لاس قرباني کړي دي ټينګار کړی، د افغانستان ملی اردو له ترهه ګرۍ سره دمبارزې توانمنۍ لري ، خو ددغه هیواد د امنیتی اورګانونو مهم مشکلات فساد او ناسالم مدیریّت دی.
امریکا په افغانستان کې د جنګ او نیواکګرۍ په اوږدولو سره ددغه هیواد پر اقتصادي بیخ بینائيو مالی فساد او ځيني نورې ترینګلتیاوې تپلي دي چې دغې موضوع د افغانستان تولیدي ظرفیَتونو برخې ته ډير زیات تاوانونه اړولي دي .همداراز په ټولنیزو او کلتوري ډګرونو کې هم په افغانستان کې جنګي شرائطو شتون او پراخې ناکرارۍچې داهم د امریکا او دهغې د متحدانو دجنګي خوي او نیواکګرۍ، نور هغه محصولات دي،چې د افغان ولس د ناامیدۍ او نهیلیتوب لامل شوي دي .
