په افغانستان کښې طالبانو ته مرګ ژوبله

افغان فوځ په وروستۍ هفته کښې د سلګونو طالب ځواکونو د وژل کېدو خبر ورکړ.

د شفقنا خبري آژانس د رپوټ له مخې د افغانستان د فوځ وياند اجمل عمر شينواري وويل، په تېره يوه هفته کښې ۱۱۷۷ طالب ځواکونه وژل شوي دي.

د شينواري د وېنا له مخې د افغان ځواکونو په عملياتو کښې همدارنګ ۶۵۱ طالبان ژوبل او ۴۲ تنه ونيول شول.

دغه وياند په پينځو ولايتونو کښې د طالب ډلې په خلاف د فوځ د توپونو او هوائي حملو ته په اشارې سره واضحه کړه، حکومتي ځواکونو په وروستيو ورځو کښې پينځه ولسوالۍ له طالب ډلې بېرته ونيوې.

شينواري زياته کړه د دې وروستيو ورځو په نښتو کښې پينځه تنه افغان فوځيان هم ووژل شول او شپږ نور ژوبل شول.