افغانستان کښې یو رسندوي فعال وژل شوی او بل تښتول شوی دی
وسله والو کسانو په کابل کښې د یو ریډیو سټیشن مدیر ووژه او په هلمند کښې یې یو خبریال تښتولی دی
وسله والو کسانو په کابل کښې د یو ریډیو سټیشن مدیر ووژه او په هلمند کښې یې یو خبریال تښتولی دی
نامعلومو وسله والو وړمه ورځ د پکتیا غږ راډیو مدیر طوفان عمري چې په افغانستان کښې د خپلواکو رسنیو د مدافع ډلې NAI غړی هم و، په ډزو وژلی دی.
د دغې ډلې مشر مجیب خلوتګر وویل: مونږ له دې امله په نښه کیږو چې په خپلواکه توګه کار کوو.
دغې ډلې تیره میاشت هم ویلي وو چې سږ کال په افغانستان کښې لږترلږه ۳۰ خبریالان او د رسنیو فعالان وژل شوي، زخمي شوي او یا تښتول شوي دي.
د کابل حکومتي چارواکو د یادې حملې پړه پر طالب ډلې وراچولې ده.
د هلمند حکومتي چارواکو ه ویلي دي چې طالب وسله والو تیره یکشنبه د نعمت ا... همت په نوم ځايي خبریال د دغه ولایت په مرکز لشکرګاه کښې د هغه له کور څخه تښتولی دی.
خو د طالبانو ویاند رویټرز ته ویلي دي چې په کابل کښې په شوې وژلې او یا په هلمند کښې د خبریال په تښتول کیدو کښې د دوي لاس نشته.
