د طالبانو مشر د افغانستان له خلکو د ملګرتیا غوښتونکی شو
د طالب ډلې مشر د افغانستان له موقته حکومت څخه د ملاتړ لپاره د دغه هیواد د خلکو ملاتړ وغوښته
د طالب ډلې مشر د افغانستان له موقته حکومت څخه د ملاتړ لپاره د دغه هیواد د خلکو ملاتړ وغوښته
ملا هیبت ا... اخوندزاده د نوي حکومت د کابینې د غړو د نوملړ له اعلانولو وروسته وویل: افغانستان د ولس ګډ کور دی او د هیواد د جوړولو لپاره ولس باید د طالبانو له لنډمهاله حکومت څخه ملاتړ وکړي.
اخوندزاده د طالبانو په کابینه کښې د افغانستان د خلکو د حقیقي استازو شتون نه لرلو ته له اشارې پرته زیاته کړه: د موقته حکومت کار به ډیر زر پیل شي او دا حکومت به د اسلامي او شرعي احکامو د اجرا او د ملي ګټو، امنیت او سوکالتیا د تامینولو لپاره په ښه توګه کار وکړي.
د طالبانو مشر شریعت د نوي حکومت چورلیز وباله او زیاته یې کړه: طالبان د یو سوکاله او کراره افغانستان غوښتونکي دي.
خو د افغانستان د نوي حکومت مخالفان د ټولو وزارتخانو په سر کښې د جګ پوړو طالبانو شتون د دغې ډلې د انحصار پالنې نښه ګڼي.
پرون د طالبانو د حکومت د غړو د نوملړ له خپریدو وروسته معترضانو د کابل په شمول د افغانستان په مختلفو ښارونو کښې مظاهرې وکړې. د مظاهره چیانو له نظره د نوې کابینې جوړښت د ټول شموله حکومت د جوړولو په هکله د طالبانو د ژمنې اپوټه دی.
