په افغانستان کښې بې وزلۍ ډیره زیاته شوي ده
زمونږ خبریال وايي ملګروملتونو په یوه (۱)خبرداري کښې وویل د افغانستان له خلکو سره د نړیوالې ټولنې د مرستې د نه کولو په بڼه کښې د دغه هیواد اوه نوي (۹۷) فیصده خلک بې وزله کیږي .
ملګروملتونو په تر ټولو نوي راپور کښې وویل که چیرې په افغانستان کښې له سیاسي او اقتصادي کړکیچونو سره د مقابلې لپاره مرستې ونشي د دغه هیواد اوه نوي (۹۷) فیصده خلک له بې وزلۍ سره مخامخ کیږي .
څه موده مخکې د ملګروملتونو د سرمنشي مرستیال ویلي وو همدا اوس د افغانستان په نهه دیرش (۳۹) میلیونه نفوسو کښې نیمايي خلک په بې وزلۍ کښې ژوند کوي .
ملګروملتونو اټکل کړی دی چې د افغانستان له بې وزله او اړمنو خلکو سره د مرستې لپاره کابو شپږ سوه شپیته (۶۶۰) ملییونه ډالرو ته ضرورت شته .
د امریکا په شل(۲۰) کاله نیواکګرۍ کښې د افغانستان اقتصادي بیخ بنایانې تباه شوي دي او همدا اوس له دغه هیواده د لویدیځو هیوادونو او د امریکا په غیر مسولانه ډول وتلو سره د افغانستان خلک هماغه راز په اقتصادي بې وزلۍ کښې ژوند کوي .
